ბაბუშერას აეროპორტში თვითმფრინავის აფეთქებისას დაღუპული კიდევ ხუთი ნეშტის იდენტიფიცირება მოხდა.

ამის შესახებ „ექსპრესნიუსს“   საქართველოს ოკუპირებულ ტერიტორიებიდან  იძულებით გადაადგილებულ პირთა,  განსახლებისა და ლტოლვილთა სამინისტროდან აცნობეს.

უწყების ინფორმაციით, ესენი არიან: გიორგი იუზას ძე ჩარგეიშვილი,  მალხაზ ტრისტანის ძე ფირანიშვილი,    ზურაბ სლავას ძე მელიშიანი, რუსუდან ბაძუს ასული ჩხეტიანი და კახა ავახტანგის ძე აბულიძე.   

„ბაბუშერას აეროპორტში თვითმფრინავის აფეთქებისას დაღუპული მებრძოლების მოძიების მადაიდენტიფიცირების პროცესი კვლავაც გრძელდება.   წითელი ჯვრის ეგიდით, 2010 წელს შეიქმნა ორმხრივი საკოორდინაციო ჯგუფი,  რომელიც შეისწავლის  1992-193 წლებში ქართულ-აფხაზური კონფლიქტის შედეგად უგზო-უკვლოდ დაკარგულთა მოძიების საკითხებს. დღემდე  7 ასეთი შეხვედრა გაიმართა დაგადაწყდა, სოხუმის ბაბუშერასა და თბილისის დიღმის ძმათა სასაფლაოს ექსჰუმაცია. წითელი ჯვრის ორგანიზებით, დევნილთა და განსახლების სამინისტრო აფხაზეთის დეფაქტო მთავრობის წარმომადგენლებთან გადმოსვენების საკითხებზე მოლაპარაკებებს მომავალშიც განაგრძობს.
2014 წლის გაზაფხულზე, არგენტინელი ექსპერტ- ანთროპოლოგების მონაწილეობით განხორციელდა ბაბუშერას სასაფლაოზე ძმათა სამარხის ექსჰუმაცია.  იდენტიფიცირების მიზნით ნეშტები გადმოსვენებული იქნა ლევან სამხარაულის სახელობის სასამართლო ექსპერტიზის ეროვნულ ბიუროში.  ექსპერტიზის ეროვნული ბიუროს დნმ ექსპერტებმა უგზო-უკვლოდ დაკარგულთა 1500-მდე ნათესავის გენეტიკური ანალიზი ჩაატარეს, აქედან მომზადდა 230-ი გენეტიკურიპროფილი, რომლის ფინანსური უზრუნველყოფა ექსპერტიზის ბიურომ განახორციელა. საქართველოში ჩატარებული გენეტიკური პროფილები გადაგზავნილ იქნა ზაგრების უნივერსიტეტის დნმლაბორატორიაში, სადაც შედარება მოხდა ექსჰუმირებული ნეშთების გენეტიკურ პროფილებთან.  

2014 წლის 4 დეკემბერს  წითელი ჯვრის  საერთაშორისო   კომიტეტმა  დევნილთა და  განსახლების  სამინისტროს 4 ნეშტის  იდენტიფიკაციის  შესახებ ექსპერტიზის  დასკვნა წარუდგინა.  ოთხივე  ნეშტი  ერთი ოჯახის აღმოჩნდა-ბელა ზალდასტანიშვილის   ორი ძმა და ორი შვილი,რომლებიც დიღმის  ძმათა  სასაფლაოზე დაკრძალეს.  

დღეს,  17:00 საათზე, სამების საკათედრო ტაძარში  დაღუპულთა სამოქალაქო პანაშვიდი გაიმართება.  24 თებერვალს მათ, თანამებრძოლების  გვერდით, დიღმის  ძმათა სასაფლაოზე   დაკრძალავენ", - ნათქვამია სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა