საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე ავღანური ვიზიტის დასასრულს ქაბულში ცენტრალური სარდლობის ბაზას ეწვია, სადაც "მტკიცე მხარდაჭერის" მისიის ეგიდით მეოთხე მექანიზირებული ბრიგადის 42-ე ბატალიონის "ალფა" ასეულია დისლოცირებული.

გენერალ-მაიორმა ქართველ სამხედროებს მადლობა გადაუხადა მსოფლიოს ერთ-ერთ ყველაზე ცხელ წერტილში საქართველოს ერთგული სამსახურისთვის.

ქართული მხარის ინიციატივით, მისიაში მონაწილე 23-ე ბატალიონის "ალფა" ასეულისთვის გაწეული მხარდაჭერისთვის, საქართველოს თავდაცვის მინისტრმა თინათინ ხიდაშელმა ამერიკელი სამხედროები თავდაცვის სამინისტროს უწყებრივი მედლებით დააჯილდოვა. მათ შორის ცენტრალური სარდლობის ბაზის მეთაური, პოლკოვნიკი ალექს ფინკი, მეთაურის მოადგილე, ვიცე-პოლკოვნიკი ტრევის სმიტი და სერჟანტ-მაიორი ერნესტ ჰეფნერი. საქართველოსა და ამერიკის შეერთებულ შტატებს შორის სამხედრო თანამშრომლობის განვითარების საკითხებში შეტანილი წვლილისთვის კი ასევე უწყებრივი მედლები გადაეცათ მაიორ რობერტ ჰუდსა და მასტერ-სერჟანტ ჯონათან როუზს.

გენერალური შტაბის უფროსი და ავღანეთში საქართველოს უფროსი სამხედრო წარმომადგენელი, პოლკოვნიკი ალექსანდრე კიკნაძე პირისპირ შეხვდნენ "მტკიცე მხარდაჭერის" მისიის მაღალი რანგის წარმომადგენლებსაც. მათ შორის მისიის მეთაურის პირველ მოადგილეს, ბრიტანელ გენერალ-ლეიტენანტ სენდი სთორისა და ჰამიდ ყარზაის სახელობის საერთაშორისო აეროპორტის ბაზის მეთაურს, თურქ გენერალ მეჰმეთ ბაქირს.

ვიზიტის დასასრულს გენერალ-მაიორი ვახტანგ კაპანაძე ამერიკელ ოთხვარსკვლავიან გენერალს, "მტკიცე მხარდაჭერის" მისიის მეთაურ ჯონ ნიკოლსონს შეხვდა, სადაც საერთაშორისო სამშვიდობო ოპერაციებში ჩრდილოატლანტიკური ალიანსსა და საქართველოს შეიარაღებული ძალების სამომავლო თანამშრომლობის პერსპექტივები განიხილეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა