საქართველოს პრეზიდენტმა კიევში ვიზიტის ფარგლებში, როგორც პირისპირ ასევე გაფართოებულ ფორმატში შეხვედრა  უკრაინელ კოლეგასთან პეტრო პოროშენკოსთან გამართა.

პრეზიდენტის ადმინისტრაციის პრესსამსახურის ინფორმაციით, შეხვედრისას  მხარეებმა  ორმხრივ ურთიერთობებში არსებული ყველა მნიშვნელოვანი საკითხი განიხილეს. ლიდერებმა გუშინ  ხარკოვში მომხდარ აფეთქებაზეც ისაუბრეს. გიორგი მარგველაშვილმა პეტრო პოროშენკოს  საზარელი შემთხვევის გამო მიუსამძიმრა.  აღინიშნა დღევანდელი  ღონისძიების-„ღირსების მარშის“ მნიშვნელობა.

„ბედნიერები ვართ, იმის ხილვით, თუ როგორი ერთიანი იყო დღეს უკრაინა; და არა მხოლოდ უკრაინა, არამედ უკრაინის ყველა მეგობარი გაერთიანდა იმ ღირებულებებისათვის, რომელთაც თქვენ ასე მტკიცედ იცავთ. ეს იყო შთამბეჭდავი დღე, არა მხოლოდ უკრაინელებისთვის, არამედ, მე მჯერა, ყველასათვის, ვინც მონაწილეობდა  „ღირსების მარშში“, - განაცხადა საქართველოს პრეზიდენტმა.

უკრაინის პრეზიდენტმა კი ხაზგასმით აღნიშნა, რომ იგი აფასებს და მისთვის ძალიან მნიშვნელოვანია საქართველოს პრეზიდენტისა და სახელმწიფო დელეგაციის მონაწილეობა დღეს კიევში გამართულ ღონისძიებებში.

შეხვედრის  ძირითადი თემა უკრაინაში შექმნილი ვათარება, ასევე რეგიონში არსებული უსაფრთხოების გარემო იყო. საუბარი შეეხო ამ მიმართულებით საქართველოსა და უკრაინის გამოცდილების პარალელებს. პეტრო პოროშენკომ გიორგი მარგველაშვილს აღმოსავლეთ უკრაინაში ფრონტის ხაზზე მიმდინარე მოვლენები გააცნო და საქართველოს ოკუპირებულ ტერიტორიებზე  არსებული მდგომარეობით დაინტერესდა.

შეხვედრისას მხარეებმა კიდევ ერთხელ ხაზგასმით აღნიშნეს სახელმწიფოთა თანადგომის მნიშვნელობა. საუბარი შეეხო უკრაინა-საქართველოს საერთო ინტერესებს ასოცირების შეთანხმებისა და ღრმა და ყოვლისმომცველი თავისუფალი სავაჭრო სივრცის შესახებ ხელშეკრულების იმპლემენტაციის გზებზე, ასევე რიგის სამიტის საერთო პერსპექტივებზე.  მხარეებმა ხაზი გაუსვეს სახელმწიფო ინსტიტუტების ყველა დონეზე თანამშრომლობის გაღრმავების მნიშვნელობასაც.

საქართველოს პრეზიდენტმა უკრაინის პრეზიდენტი საქართველოში მოიწვია, რაზეც პეტრო პოროშენკომ განაცხადა, რომ მას დიდი სურვილი აქვს საქართველოში სტუმრობის და აუცილებლად ეწვევა თბილისს, როგორც კი ამის შესაძლებლობა მიეცემა. 

-

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა