ევროსაბჭოს საპარლამენტო ასამბლეამ წევრ ქვეყნებს ე.წ. სავჩენკოს სასანქციო სიის დამტკიცებისკენ მოუწოდა, - აღნიშნული განცხადება ორგანიზაციამ საკუთარ ვებგვერდზე გამოაქვეყნა.

როგორც განცხადებაშია აღნიშნული, საპარლამენტო ასამბლეა ნადეჟდა სავჩენკოს დაუყოვნებლივ გათავისუფლებას მოითხოვს, წინააღმდეგ შემთხვევაში სავიზო და ფინანსური სანქციები იმ პირებს შეეხება, ვინც უკრაინელი პილოტის გატაცებაში, უკანონო დაპატიმრებასა და გასამართლებაში მიიღო მონაწილეობა.

საპარლამენტო ასამბლეა ასევე აღმოსავლეთ უკრაინის პრორუსულ სეპარატისტულ დაჯგუფებებს მოუწოდებს, მძევლები გაათავისუფლონ და ადამიანის უფლებების დარღვევა შეწყვიტონ.

„ასამბლეა გმობს უკანონო დაპატიმრებებს, დაკავებებსა და ასევე სავჩენკოს საქმის სასამართლო განხილვას რუსეთში და მოუწოდებს მის დაუყონებლივ გათავისუფლებისკენ“, - ნათქვამია რეზოლუციაში.

საპარლამენტო ასამბლეა მოუწოდებს უკრაინას, უმოკლეს ვადაში მოახდინოს ”რომის სტატუტის” რატიფიცირება, რათა სისხლის სამართლის საერთაშორისო სასამართლომ უკრაინაში, კონფლიქტის პერიოდში საერთაშორისო ჰუმანიტარული სამართლის დარღვევის კონკრეტული შემთხვევები გამოიძიოს.

განცხადებაში ასევე ნათქვამია, რომ რუსეთის ხელისუფლებამ ყალბი ბრალდებებით და საერთაშორისო სამართლის დარღვევით, 11 უკრაინელი დააპატიმრა.

გარდა ამისა, ყირიმში რუსეთმა უკრაინის სულ მცირე 10 მოქალაქე დააკავა და პოლიტიკური მოტივებით წაუყენა ბრალდება.

რეზოლუციაში აღნიშნულია, რომ ყველაზე აღმაშფოთებელი ნადეჟდა სავჩენკოს საქმეა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა