38-მა სამხედრო მოსამსახურემ ლიტველი სამხედრო ექსპერტების მიერ ჩატარებული დამკვირვებელ-შემფასებლის სასწავლო კურსი წარმატებით დაასრულა. ტრენინგი სამი დღის განმავლობაში ეროვნულ სასწავლო ცენტრ „კრწანისის“ ტერიტორიაზე მიმდინარეობდა.

სწავლების მიზანი ქართველი დამკვირვებელ-შემფასებლებისთვის გამოცდილების გაზიარება იყო. ტრენინგის დროს მიღებული გამოცდილება ქართულ მხარეს მაისში წვრთნისა და შეფასების ერთობლივ ცენტრში დაგეგმილ სწავლებაში გამოადგებათ.

მონაწილეებს კურსის დასრულების დამადასტურებელი სერტიფიკატები ლიტველმა სამხედრო ექსპერტებმა გადასცეს და ქართულ მხარესთან თანამშრომლობის გაღრმავების სურვილი გამოთქვეს.

პირველი ორი დღის განმავლობაში, საკლასო სწავლების ფარგლებში, კურსის მონაწილეები შემფასებლის ფუნქცია-მოვალეობებსა და მოქმედების შემდგომი განხილვების მეთოდებს დაეუფლნენ. ყურადღება გამახვილდა შეფასების გეგმის შედგენასა და დახვეწაზეც. მესამე დღე საველე პრაქტიკულ სწავლებას - მიღებული ცოდნის პრაქტიკაში განხორციელებას დაეთმო.

ნატო-საქართველოს წვრთნისა და შეფასების ერთობლივი ცენტრის (JTEC) მეთაურმა, პოლკოვნიკმა გრიგოლ ჭელიძემ სტუმრებს ვიზიტისა და გამოცდილების გაზიარებისთვის მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა