თბილისის სახელმწიფო ინივერსიტეტის რექტორის მოვალეობის შემსრულებელის ვლადიმერ პაპავას განცხადებით, პრემიერსა და სტუდენტებს შორის შეხვედრას არ დასწრებია, თუმცა მოგვიანებით  შეიტყო, რომ გამოითქვა მზაობა  პრობლემების გადაჭრის მიზნით მუშაობასთან დაკავშირებით.

პაპავას შეფასებით, დიალოგის რეჟიმში ნებისმიერი საკითხის გადაწყვეტა შესაძლებელია.

"თვითონ შეხვედრას არ დავსწრებივარ, მაგრამ მე ვიცი სტუდენტებისგანაც და თვითონ პრემიერისგანაც, რომ მზაობა გამოთქვა მუშაობასთან დაკავშირებით. მე ვფიქრობ, კონსტრუქციულ, დიალოგის რეჟიმში ნებისმიერი საკითხის გადაწყვეტა შეიძლება. არის საკითხები, რომელიც გასაკეთებელია, არის საკითხები, რომელიც მომწიფებული არ არის. მაგალითად, 2013 წლის უმაღლესი განათლების რეფორმის  კონცეფციას არასდროს ვიწონებდი და არც ახლა  ვიწონებ. თეორიულად ლამაზი კონცეფციაა, მაგრამ საქართველო ამისთვის მზად არაა",-განაცხადა ვლადიმერ პაპავამ.

შეგახსენებთ, "აუდიტორია 115"-ის სტუდენტებთან შეხვედრის შემდეგ პრემიერ-მინისტრმა  გიორგი  კვირიკაშვილმა ჟურნალისტებს განუცხადა,  რომ  სტუდენტური თვითმმართველობა იმ მახინჯი სახით, რომლითაც არსებობდა,  არ უნდ არსებობდეს. აღნიშნულ საკითხზე მომდევნო კვირაში პრემიერსა და სტუდენტებს შორის მორიგი შეხვედრაც დაიგეგმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო