საქართველოს იუსტიციის მინისტრი თეა წულუკიანი უარყოფს ინფორმაციას, რომ საქართველოს მთავრობამ  იმ პირების  გამოვლენა დაიწყო, რომლებსაც საქართველოსთან ერთად უცხო ქვეყნის მოქალაქეობა  აქვთ.

წულუკიანმა ამ განცხადებით  ჟურნალისტის მიერ დასმულ შეკითხვას უპასუხა, რომლის თანახმადაც,  ამ ნაბიჯმა განსაკუთრებით ეთნიკურ უმცირესობებს პრობლემები შეუქმნა.

წულუკიანის განმარტებით, საქართველოს სახელმწიფო პატივს სცემს კონსტიტუციას, რომელიც ორმაგ მოქალაქეობას კრძალავს.

თუმცა, მისივე თქმით, იანვრის თვიდან ბინადრობის ინსტიტუტი აქტიურად აამუშავეს სწორედ იმიტომ, რომ საქართველოს ზოგიერთ მოქალაქეს ურჩევნია, სხვა ქვეყნის მოქალაქეობა, ხოლო ქართული ბინადრობის მოწმობა ჰქონდეს.

„სახელმწიფოს ეს ნაბიჯი არ გადაუდგავს.  ჯერ კიდევ ყოფილი ხელისუფლების დროს წინა მთავრობა  პატივს სცემდა  და ასევე ჩვენც,  ქართულ კონსტიტუციას, რომელიც ორმაგ მოქალაქეობას კრძალავს. ამიტომ, ჩვენ, როგორც ნებისმიერი საქართველოს წინა მთავრობა დამოუკიდებლობის შემდეგ ყველას საქართველოს კონსტიტუციის პატივისცემისკენ მოვუწოდებთ. საქართველოს პრეზიდენტს შეუძლია, საგამონაკლისო წესით მიანიჭოს ამა თუ იმ უცხო ქვეყნის მოქალაქეს ორმაგი მოქალაქეობა, რასაც პრეზიდენტი სახელმწიფო სერვისების განვითარების სააგენტოსა და შესაბამის სამსახურებთან თანამშრომლობის გზით აკეთებს და კვლავაც გააკეთებს . ჩვენ იანვრის თვიდან უფრო აქტიურად ავამუშავეთ ბინადრობის ინსტიტუტი, რადგან ზოგიერთ ჩვენს თანამემამულეს, იქნება ეს ეთნიკურად სომეხი თუ სხვა, ურჩევნია ჰქონდეს სხვა ქვეყნის მოქალაქეობა  და ქართული ბინადრობის მოწმობა, რათა ადვილად იაროს თავისი მოქალაქეობის ქვეყანაში და არჩინოს ოჯახი. ჩვენ ამ პრობლემაზეც ვზრუნავთ და საქართველოს პრემიერ–მინისტრის ინიციატივით უახლოეს პერიოდში დაიწყება რეგიონული განვითარების პროექტები.  პირველი პრიორიტეტი იქნება ის რეგიონები, სადაც ეთნიკური უმცირესობები ცხოვრობენ, რათა ქვეყნის სიმდიდრე , როგორც ეთნიკური უმცირესობებით დასახლებულ რეგიონებში, ასევე მთიან რეგიონებში თანაბრად განაწილდეს“, – აღნიშნა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა