პარლამენტში დეპუტატები „უფასო ფულის“ ინიციატივას განიხილავენ

2015-02-20 14:34:34, 593 ნახვა

პოლიტიკა

პარლამენტი დეპუტატ გოგა ხაჩიძის მიერ ინიცირებულ ე.წ „უფასო ფულის“ ინიციატივაზე მსჯელობს.
გოგა ხაჩიძემ პარლამენტში კანონპროექტის წარდგენისას, ყოფილი პრემიერ მინისტრი ბიძინა ივანიშვილის წინა საარჩევნო დაპირება, გრძელვადიან უფასო ფულის დარიგების თაობაზე გაიხსენა.
მისი თქმით, აღნიშნული კანონპროექტის მიზანი ქვეყანაში მძიმე ეკონომიკური მდგომარეობის დაძლევაა და ის „ქართული ოცნების“ წინა საარჩევნო დაპირისპირებას ახსენებს.
აღნიშნული კანონპროექტი, ფიზიკური და იურიდიული პირების ფინანსური მხარდაჭერის ახალი მექანიზმის შექმნას ითვალისწინებს, კერძოდ კი მათ მიერ ბანკებიდან მიღებული ფინანსური რესურსის ხარჯები მთლიანად საპარტნიორო და საინვესტიციო ფონდებიდან დაიფარება.
უფასო ფულით სარგებლობის ფარგლებში, ბანკის მიერ გაცემული თანხა 2 000 ლარზე ნაკლები არ უნდა იყოს და არ უნდა აღემატებოდეს 50 000 ლარს.
ასევე ბანკის მიერ თანხის გაცემა შეიძლება არ უკავშირდებოდეს სამეწარმეო საქმიანობას და ერთიდაიგივე პირს „უფასო ფულით“ სარგებლობა შეუძლია მხოლოდ ერთხელ.
პროექტის მიხედვით, "უფასო ფულის შესახებ" კანონპროექტი 2015 წლის 1-ელი აპრილიდან 2030 წლის 31 დეკემბრამდე იმოქმედებს.