2016-04-15 18:17:06, 1235 ნახვა
მსოფლიო
ავღანეთის სამხედრო ძალებმა “ისლამური სახელმწიფოს” 40 მებრძოლი მოკლეს
ავღანეთის სამხედრო ძალებმა ქვეყნის აღმოსავლეთ ნაწილში “ისლამური სახელმწიფოს” 40 მებრძოლი მოკლეს, - ამის შესახებ დასავლური მედია წერს.
როგორც მედია საშუალება, შეიარაღებული ძალების წარმომადგენელზე დაყრდნობით წერს, საჰაერო თავდასხმა ნანგარჰარის პროვინციაში განხორციელდა.
ავიაიერიშის შედეგად ტერორისტებს შორის ასევე დაშავებულებიც არიან. ნანგარჰარის პროვინციის გუბერნატორის თქმით, ავიადარტყმები მაშინ განხორციელდა, როდესაც “ისლამური სახელმწიფოს” წევრები შეხვედრას მართავდნენ.
ტერორისტულმა დაჯგუფებამ "ისლამურმა სახელმწიფომ" ავღანეთის ნანგარჰარის პროვინციაში თავისი პოზიციები მნიშვნელოვნად გააძლიერა.
აღნიშნულ რაიონში "ისლამურ სახელმწიფოსა" და "თალიბანს" შორის ინტენსიური შეტაკებები მიმდინარეობდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
