ესპანეთის პროვინცია ტოლედოს ორ ჩქაროსნულ მატარებელს შორის შეჯახების შედეგად დაღუპულთა რიცხვი მინიმუმ 64-მდე გაიზარდა, იუწყება El Pais.

კიდევ 58 დაშავებული ჰოსპიტალიზებულია, რომელთაგან 15 კრიტიკულ მდგომარეობაშია. ხელისუფლება არ გამორიცხავს მეტი მსხვერპლის შესაძლებლობას.

ავარია ოთხშაბათს, 28 ოქტომბერს, დილით, ურდას სადგურთან ახლოს მოხდა. ესპანეთის მთავრობის წყაროების ცნობით, შეჯახება შესაძლოა ადამიანურმა შეცდომამ გამოიწვია: Renfe AVE-ს ჩქაროსნული მატარებელი ლიანდაგზე გაჩერებულ Iryo-ს მატარებელს შეეჯახა.

ორი მატარებელი 540-ზე მეტ ადამიანს გადაჰყავდა. Iryo-მ განაცხადა, რომ მის მატარებელს უკნიდან Renfe 103-ის მატარებელი დაეჯახა. გადამზიდავმა ღრმა სამძიმარი გამოუცხადა დაღუპულებს და მათ ოჯახებს, გამოაცხადა საგანგებო რეაგირების პროტოკოლების ამოქმედების შესახებ და დაჰპირდა ხელისუფლებასთან თანამშრომლობას ავარიის მიზეზის დასადგენად.

ესპანეთის პრემიერ-მინისტრი პედრო სანჩესი შინაგან საქმეთა მინისტრთან ერთად ავარიის ადგილის მონახულებას გეგმავს. ტოლედოში გარდაცვლილთა მისაღებად მორგს ამზადებენ. მადრიდსა და ანდალუსიას შორის მატარებლის მოძრაობა შეჩერებულია, მადრიდსა და სევილიაში, ატოჩას სადგურზე მგზავრების ნათესავების დახმარების ცენტრები გაიხსნა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო