შსს-ს ცნობით, მცხეთა-მთიანეთის პოლიციამ სოფელ ლისში მომხდარი მკვლელობა ცხელ კვალზე გახსნა. პოლიციის დეპარტამენტის თანამშრომლებმა განზრახ მკვლელობის ბრალდებით წარსულში ნასამართლევი პირი დააკავეს.

გამოძიებით დადგინდა, რომ ბრალდებულმა მიმდინარე წლის 27 ოქტომბერს, სოფელ ლისში მდებარე ერთ-ერთი რესტორნის მიმდებარე ტერიტორიაზე, ურთიერთშელაპარაკების დროს ახალგაზრდა მამაკაცს (გურამ ბოიკო. რედ) ცივი იარაღით გულმკერდის არეში დაზიანება მიაყენა და შემთხვევის ადგილიდან მიიმალა.

შსს-ს ცნობით, დაჭრილი მამაკაცი სამედიცინო დაწესებულებაში გადაყვანიდან მალევე გარდაიცვალა.

სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, ბრალდებული, ცხელ კვალზე, კახეთში, სიღნაღის რაიონში დააკავეს.

პოლიციამ დანაშაულის ჩადენის იარაღი ნივთმტკიცებად ამოიღო.

გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.

„ჩემი დის შვილი აშველებდა… ინიციატორი არ იყო, უბრალოდ ცდილობდა, ქორწილს ნორმალურად ჩაევლო“, - აცხადებს ფაინა ბოიკო „TV პირველთან“.

ოჯახის ინფორმაციით, ამ ეტაპზე მათთვის უცნობია, ვინ არის მკვლელობაში ეჭვმიტანილი. დეიდის თქმით, ჩხუბში დაახლოებით 20 ადამიანი მონაწილეობდა, თუმცა, როგორც ის ამბობს, მომხდარის უშუალო დეტალები ოჯახისთვის ჯერ კიდევ გაურკვეველია.

როგორ შეიძლება ამდენი ადამიანი იყოს ადგილზე და ახალგაზრდა კაცის სიცოცხლე ასე ტრაგიკულად დასრულდეს?

გურამი ძმის ქორწილში იყო - დღეს, რომელიც სიხარულისა და ბედნიერების დღე უნდა ყოფილიყო, ოჯახისთვის უმძიმეს მოგონებად იქცა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო