ვაშინგტონმა სპარსეთის ყურის რამდენიმე ქვეყანას აშშ-ის შუალედური არჩევნების შემდეგ ირანის წინააღმდეგ მოკლევადიანი, მაგრამ ინტენსიური სამხედრო მოქმედებებისთვის მზადყოფნა გამოუცხადა, იტყობინება The Wall Street Journal ინფორმირებულ წყაროებზე დაყრდნობით.

ამ წყაროების თანახმად, აშშ და ისრაელი ირანის წინააღმდეგ დარტყმების ახალი რაუნდის დასაწყებად ემზადებიან იმ იმედით, რომ თეირანის პოზიციას შეასუსტებენ და მოლაპარაკებებისკენ უბიძგებენ.

პოტენციურ სამიზნეებს შორისაა ირანის ენერგეტიკული ინფრასტრუქტურა, ბირთვული ობიექტები, სარაკეტო სისტემები და დრონები.

აღნიშნულია, რომ ტრამპს ჯერ არ მიუღია საბოლოო გადაწყვეტილება დარტყმებთან დაკავშირებით და დიპლომატიური ძალისხმევა მიმდინარეობს.

ამასობაში, თეთრმა სახლმა გაზეთს განუცხადა, რომ ისინი კომენტარს არ გააკეთებენ „მგრძნობიარე სამხედრო გეგმებზე, რომლებიც შეიძლება არსებობდეს ან არ არსებობდეს“.

„პრეზიდენტი ტრამპი განიხილავს ყველა ვარიანტს, რათა უზრუნველყოს, რომ ირანმა არასდროს შეიძინოს ბირთვული იარაღი“, - დასძინა პრეზიდენტის ადმინისტრაციამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო