„ლილო მოლის“ 15 მეწილიდან 13 პოლიტიკური შემწირველია. მათ პარტიულ ყულაბაში ჯამში 3.88 მილიონი ლარი შეიტანეს - ინფორმაციას "საერთაშორისო გამჭვირვალობა საქართველო" ავრცელებს.

მკვლევარებმა დაადგინეს, რომ 2012 წელს ბიზნესმენებმა 120 000 ლარი „ერთიან ნაციონალურ მოძრაობას“ ჩაურიცხეს, 2017 წლიდან 2026 წლამდე კი „ქართულ ოცნებას“ 3 512 000 ლარი, ხოლო მათ კანდიდატ სალომე ზურაბიშვილს 240 000 ლარი შესწირეს.

პოლიტიკური ლოიალობის პარალელურად, ბაზრობის მფლობელებთან დაკავშირებულმა კომპანიებმა ბიუჯეტიდან 50 მილიონ ლარზე მეტი წაიღეს:
 49 მილიონი ლარის 108 ტენდერი და 387 000 ლარის პირდაპირი შესყიდვები მოიგო მსხვილი შემწირველის, ვაჟა უსანეთაშვილის კომპანიამ „არსაკიძე 2000“. 2026 წლის 13 ივლისს, „ქართული ოცნებისთვის“ 60 000 ლარის ჩარიცხვის დღესვე, კომპანიამ ისნის გამგეობისგან 712 000 ლარის კონტრაქტი მიიღო, მთლიანად ივლისში კი 1.4 მილიონის ტენდერები მოიგო"- წერს "საერთაშორისო გამჭვირვალობა საქართველო". 

TI-იმ დაადგინა, რომ თავად „ლილო მოლმა“ სახელმწიფო შესყიდვებით 158 000 ლარი მიიღო, მათ შორის 2026 წლის იანვარში 150 000 ლარი „საქართველოს ფოსტისგან“ ტერიტორიაზე სატვირთოების შეყვანისა და ტვირთის გადატვირთვისთვის.

ასობით ათასი ლარის ტენდერები და გამარტივებული შესყიდვები გაუფორმდათ სხვა მეწილეების, გიორგი გაგუას (308 716 ლარი), დავით გავაშელისა (286 691 ლარი) და ილია ბადრიაშვილის (12 489 ლარი) კომპანიებსაც.

საქართველოში მსხვილი ბიზნესის წარმატება და პრივილეგიები თავისუფალ კონკურენციაზე არ დგას. ის მმართველი პარტიის სალაროში შეტანილი მილიონებით იზომება"- აღნიშნავს ორგანიზაცია.

TI-ის განცხადება სრულად:  ნახეთ აქ - https://bit.ly/4Ah89ov 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო