საკონსტიტუციო სასამართლოს პლენუმმა არ დააკმაყოფილა პარტიის, „გახარია საქართველოსთვის“ მოთხოვნა, 5 ოპოზიციური პარტიის აკრძალვის შესახებ სარჩელის განხილვა 1 თვით გადაედო. პარტიის ერთ-ერთი ლიდერი ბერდია სიჭინავა ამბობდა, რომ სასამართლოს რეგლამენტით, პასუხის მოსამზადებლად მათ 1-თვიანი ვადა უნდა მიეცეთ.

„მოპასუხე მხარე ვალდებულია, წარმოადგინოს წერილობითი შესაგებელი არა უგვიანეს კონსტიტუციური სარჩელის/წარდგინების არსებითად განსახილველად მიღებიდან 1 თვის ვადაში“, - წერია საკონსტიტუციო სასამართლოს რეგლამენტის მე-15 მუხლში.

პარტია „გახარია საქართველოსთვის“ აცხადებდა, რომ საქმის სირთულიდან გამომდინარე, როცა არ არსებობს მსგავსი გამოცდილება, განსაკუთრებით დიდი მნიშვნელობა ენიჭება რეგლამენტის დაცვას.

„შეგეძლოთ ეს ერთთვიანი ვადა შეგემცირებინათ და გეთქვათ, რომ 10 დღის ვადაში წარმოგვედგინა შესაგებელი. ეს ნიშნავს, რომ [ახლა] მოპასუხე მხარეს უფლება აქვს, ერთი თვის ვადით მოითხოვოს ამ საქმის გადადება.

[თუ არ გადაიდება] ვფიქრობ, პროცედურული სამართლიანობის პრინციპის დარღვევაა ჩვენთან მიმართებით... ეს ნიშნავს, რომ ჩვენი უფლებები იქნება დარღვეული“, - განაცხადა ბერდია სიჭინავამ და დასძინა, რომ ითხოვენ სხდომის 1 თვით გადადებას, 13 ნოემბრამდე.

საკითხზე გადაწყვეტილების მისაღებად პლენუმი სათათბიროდ გავიდა. არდაკმაყოფილების შესახებ გადაწყვეტილება სხდომის თავმჯდომარემ, რევაზ ნადარაიამ, გამოაცხადა:

„გადაწყვეტილება ამ შემთხვევაშიც ერთპიროვნულია... რეგლამენტით კი არის გათვალისწინებული [შუამდგომლობის წარმოდგენა], მაგრამ პრაქტიკაში არ ხორციელდება შესაგებლის წარმოდგენა... სხდომის დანიშვნა არ აფერხებს მხარეს, ამავდროულად არ რჩება რაიმენაირი განცდა, რომ მხარე არის მოუმზადებელი. სასამართლოს უკვე ექმნება განცდა, რომ ეს უფრო გაჭიანურებას ემსახურება და არა საქმის გადადების აუცილებლობას...

მოლოდინი იმისა, რომ თქვენ ეს გადაწყვეტილება მოგეწონებოდათ, არ იყო. ჩვენ უბრალოდ განგიმარტეთ - ჩვენი შეხედულებები გვაქვს და ჩვენ ამ შეხედულებებში ვართ თავისუფალი“.

საკონსტიტუციო სასამართლოში ხუთი ოპოზიციური პარტიის აკრძალვის საქმის განხილვა 21 ოქტომბერს დაიწყო. მესამე დღეა კოლეგია განიხილავს შუამდგომლობებს, თუმცა 10-ზე მეტი მოთხოვნიდან არცერთი არ დაკმაყოფილდა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო