რუსეთის უშიშროების საბჭოს თავმჯდომარის მოადგილემ და ყოფილმა პრეზიდენტმა დიმიტრი მედვედევმა ირანის სამთავრობო ტელევიზიას ინტერვიუ მისცა, სადაც საქართველოზეც ისაუბრა.

მედვედევის თქმით, თავდაპირველად დასავლურმა სამყარომ საქართველოს NATO-ში გაწევრიანება შესთავაზა, რამაც მისი შეფასებით კარგი არაფერი მოუტანა ქვეყანას, მედვედევი აღნიშნავს, რომ საქართველოს დღევანდელი ხელისუფლება ამას ხედავს და არასწორ გადაწყვეტილებად აფასებს. 

"რაც შეეხება ჩვენთვის, რუსეთის ფედერაციისთვის, ყველაზე მნიშვნელოვან მოვლენებს, მოკლედ ვიტყვი: ეს არის გამარჯვება იმ ძალებზე, რომლებიც ამჟამად ჩვენს ქვეყანას უპირისპირდებიან. ეს არის დასავლური სამყარო, ჩრდილოატლანტიკური ალიანსი, რომელიც თავისი მიზნების მისაღწევად უბედურ უკრაინას იყენებს...

რაც შეეხება კავკასიას, დიახ, ზოგიერთი სახელმწიფო ახლა იქ რაღაცის არევას ცდილობს. ცდილობენ სამხრეთ კავკასიის ქვეყნების დაყოფას. ეს სიმართლეა. ჩვენ ამას სიფრთხილით ვაკვირდებით.

შეხედეთ, თავდაპირველად დასავლურმა სამყარომ საქართველოს NATO-ში გაწევრიანება შესთავაზა. ამან კარგი არაფერი მოიტანა. საქართველო დღემდე ნატოს წევრი არ არის. მის ამჟამინდელ ხელმძღვანელობას ესმის, რომ, როგორც ჩანს, ეს არასწორი მიდგომა იყო.

ყოველივე ამან კონფლიქტამდე მიგვიყვანა", - თქვა მედვედევმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს