საქართველოს ფინანსთა სამინისტროს საგამოძიებო სამსახურისა და შემოსავლების სამსახურის ხელმძღვანელებმა თანამდებობები დატოვეს

2026-09-12 19:48:26, 1804 ნახვა

პოლიტიკა

ფინანსთა სამინისტროს საგამოძიებო სამსახურის უფროსმა ლევან ხარაბაძემ და შემოსავლების სამსახურის უფროსმა მიხეილ მაღლაკელიძემ თანამდებობები დატოვეს.

„ახალი უფროსი ორშაბათს წარადგინება“, - განუცხადა ფინანსთა სამინისტროს საგამოძიებო სამსახურმა მედიას.

ლევან ხარაბაძე სამსახურის უფროსად 1 მაისს დაინიშნა. მანამდე ის სახელმწიფო უსაფრთხოების სამსახურის ყოფილი უფროსის, მამუკა მდინარაძის მოადგილე იყო. მან ამ თანამდებობაზე მიხეილ მაღლაკელიძე შეცვალა.

თავის მხრივ, მახლაკელიძე საგამოძიებო სამსახურის უფროსად 2025 წლის 24 ივნისს დაინიშნა. მანამდე ის დაცვის პოლიციის დეპარტამენტის უფროსის მოადგილის თანამდებობას იკავებდა.

2026 წლის 27 აპრილს მაღლაკელიძე შემოსავლების სამსახურის უფროსის თანამდებობაზე გადაიყვანეს ირაკლი [დაჩი] ბერაიას ნაცვლად. 25 აპრილს ბერაია სახელმწიფო აუდიტის სამსახურის უფროსის პირველ მოადგილედ დაინიშნა.

რაც შეეხება ლევან ხარაბაძეს, ის სახელმწიფო უსაფრთხოების სამსახურის მაშინდელი უფროსის, მდინარაძის მოადგილის თანამდებობაზე 2025 წლის 4 სექტემბერს დაინიშნა, მანამდე კი ქვემო ქართლის რეგიონში სახელმწიფო კომისარი (გუბერნატორი) იყო.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან