გაეროს გენერალურმა ასამბლეამ პარასკევს კენჭი უყარა ახალი მსოფლიო რუკის მიღებას, რომელიც ქვეყნების რეალურ, ერთმანეთთან შეფარდებით ზომებს ასახავს. ეს გადაწყვეტილება აფრიკის ქვეყნებმა წამოაყენეს და მოითხოვეს, რომ გაეროს საუკუნეების წინ დაშვებული უსამართლობა გამოესწორებინა.

"რუკის შესწორების" რეზოლუცია, რომელიც აფრიკის კავშირის წევრმა სახელმწიფოებმა და ბაჰამის კუნძულებმა წარადგინეს, დიდი უმრავლესობით მიიღეს: 164 წევრმა სახელმწიფომ მხარი დაუჭირა, ექვსმა თავი შეიკავა, მათ შორის იყო საქართველოც, ხოლო მხოლოდ შეერთებულმა შტატებმა მის წინააღმდეგ მისცა ხმა.

რეზოლუციის მიზანია მსოფლიოს რეგიონების, განსაკუთრებით კი აფრიკის, "სამართლიანი" და უფრო ზუსტი წარმოჩენა. რეზოლუციაში აღნიშნულია, რომ არსებული მსოფლიო რუკების დამახინჯებული მასშტაბები ხელს უწყობს აფრიკის "სიმბოლურ დაკნინებას" ადამიანების კოლექტიურ წარმოდგენაში.

ასამბლეის მიერ მიღებული რეზოლუციის პროექტი მერკატორის კარტოგრაფიული პროექციის შეცვლას ითვალისწინებს, რომელსაც მსოფლიო რუკების უმეტესობა ეფუძნება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა