თუ რუსეთი გადაწყვეტს თავისი სამხედრო ბაზის სომხეთიდან გაყვანას, ჩვენ წინააღმდეგი არ ვიქნებით, განაცხადა სომხეთის პრემიერ-მინისტრმა ნიკოლ ფაშინიანმა.

ფაშინიანის თქმით, სომხეთში 102-ე რუსული სამხედრო ბაზის ყოფნა „სასიცოცხლოდ აუცილებელი“ არ არის.

„თუ რუსეთი გადაწყვეტს თავისი სამხედრო ბაზის სომხეთიდან გაყვანას, ჩვენ წინააღმდეგი არ ვიქნებით, მაგრამ თუ ისინი გამოთქვამენ დარჩენის სურვილს, ჩვენ მზად ვართ, ესეც განვიხილოთ. თუმცა, ამ ხნის განმავლობაში ეს საკითხები არასდროს დაგვიყენებია“, - განაცხადა ფაშინიანმა.

ცნობისთვის, რუსეთის პრეზიდენტმა ვლადიმერ პუტინმა ერთი დღით ადრე განაცხადა, რომ რუსეთი მზადაა, სომხეთიდან თავისი სამხედრო ბაზა გაიყვანოს, თუ ერევანი ასე გადაწყვეტს.

„თუ სომხეთი გადაწყვეტს, რომ მას რუსული სამხედრო ბაზა არ სჭირდება, ჩვენ ხვალვე წავალთ. მაგრამ მზად არის თუ არა ამისთვის სომხეთი? გააგრძელეთ. ჩვენ არავის არაფერს დავაკისრებთ“, - აღნიშნა პუტინმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო