ვაიმარის სამკუთხედის ქვეყნები საქართველოში არსებულ ვითარებას განიხილავენ

2026-09-03 17:26:29, 501 ნახვა

პოლიტიკა

ხუთშაბათს, გერმანიის ქალაქ ვაიმარში დაიწყო „ვაიმარის სამკუთხედის“ ფორმატის სამუშაო შეხვედრა. მასში მონაწილეობენ გერმანიის, პოლონეთისა და საფრანგეთის საგარეო საქმეთა მინისტრები - იოჰან ვადეფული, რადოსლავ სიკორსკი და ჟან-ნოელ ბარო.

პოლონეთის საგარეო საქმეთა სამინისტროს ცნობით, სამი ქვეყნის უმაღლესი დიპლომატები აჯამებენ თანამშრომლობის შედეგებს და განიხილავენ ევროპის წინაშე არსებულ მიმდინარე გამოწვევებს. დღის წესრიგში შემავალი თემებია:

სამმხრივი თანამშრომლობა
უკრაინის მხარდაჭერა
რუსეთის სულ უფრო აგრესიული ქმედებები
ახლო აღმოსავლეთსა და საქართველოში არსებული ვითარება
გლობალური ეკონომიკური გამოწვევები
ტრანსატლანტიკური ურთიერთობები
„ვაიმარის სამკუთხედი“ არის საერთაშორისო თანამშრომლობის ფორმატი, რომელიც აკავშირებს პოლონეთს, გერმანიასა და საფრანგეთს. ის 35 წლის წინ, 1991 წლის 28-29 აგვისტოს, თიურინგიის ქალაქ ვაიმარში დაარსდა.