ოფიციალური ბაქო მთიან ყარაბაღში ფრონტის ხაზიდან ჯარების გაყვანის ინიციატივით გამოდის. ამის შესახებ განცხადება აზერბაიჯანის საგარეო საქმეთა მინისტრმა რუს კოლეგასთან გამართული შეხვედრის დასრულების შემდეგ გააკეთა.

"ჩვენ გვაქვს შეთავაზება, რომლის განხორციელებასაც მინსკის თანათავმჯდომარეებთან ერთად ვცდილობთ. იმ მიზნით, რომ მივაღწიოთ შეთანხმებას სომხეთსა და აზერბაიჯანს შორის. რუსეთის ფედერაცია ბოლომდე მხარს უჭერს იმ ინიციატივებს, რომლებზეც ამჟამად თანათავმჯდომარეები მუშაობენ. ეუთოსა და წითელი ჯვრის კომიტეტის დახმარებით, უნდა მოხდეს ნდობის გამყარება", - განაცხადა რუსეთის საგარეო საქმეთა მინისტრმა სერგეი ლავროვმა.

რაც შეეხება აზერბაიჯანულ მხარეს, ელმარ მამედიაროვის თქმით, სამხედროები უმოკლეს ვადაში უნდა დაბრუნდნენ ყაზარმებში, რადგან კრიზისიდან გამოსვლის გაჭიანურება ყოველდღიურად ახალ მსხვერპლს იწვევს.

აზერბაიჯანი და არაღიარებული მთიანი ყარაბაღი ერთმანეთს ცეცხლის შეწყვეტის შეთანხმების დარღვევაში ამ დრომდე ადანაშაულებენ.

აღნიშნულ საკითხთან დაკავშირებით, კომენტარი აზერბაიჯანის პრეზიდენტმაც გააკეთა.

"მივიჩნევთ, რომ ცეცხლის შეწყვეტა არის ერთადერთი გზა იმისთვის, რათა რეგიონში ესკალაცია არ დავუშვათ. ცეცხლის შეწყვეტის რეჟიმი გრძელდება, თუმცა სამწუხაროდ დრეს საღამოს ის სომხურმა მხარემ დაარღვია. ჩვენ გვინდა მოლაპარაკებების, პროცესის გაგრძელება", - განაცხადა აზერბაიჯანის პრეზიდენტმა ილჰამ ალიევმა.

რეგიონში შექმნილი ვითარების გამო, რუსეთის პრემიერი დიმიტრი მედვედევი დღეს და ხვალ სომხეთისა და აზერბაიჯანის ლიდერებთან გამართავს მოლაპარაკებებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა