საქართველოს საგარეო საქმეთა სამინისტროს ცნობით, 30 აგვისტოს თბილისიდან მოსკოვის მიმართულებით მიმავალი სამგზავრო ავტობუსი ქალაქ ჟელეზნოვოდსკთან სატვირთო მანქანას შეეჯახა. გავრცელებული ინფორმაციით არის მსხვერპლი და არიან დაშავებულები.

როგორც საგარეო უწყებაში აცხადებენ, რუსეთის ფედერაციაში შვეიცარიის კონფედერაციის საელჩოს საქართველოს ინტერესების სექცია ახორციელებს ყველა საჭირო ღონისძიებას თბილისი-მოსკოვის მიმართულებით მოძრავ სამგზავრო ავტობუსში მყოფი საქართველოს მოქალაქეების შესახებ ინფორმაციის მოპოვების მიზნით.

„საქართველოს ინტერესების სექციის წარმომადგენელი გაემგზავრა შემთხვევის ადგილზე საქართველოს მოქალაქეებისათვის შესაბამისი დახმარების გაწევის მიზნით“, – აცხადებენ საგარეო უწყებაში.

სტავროპოლის მხარეში საქართველოდან მოსკოვისკენ მიმავალი ავტობუსის მძღოლი აკაკი თოფაძე იყო, რომელიც მამამისის ნაცვლად ავტობუსით მგზავრობდა.
30 აგვისტოს ღამეს, ფედერალური გზატკეცილის „კავკაზის“ მე-3 კილომეტრზე, საქართველოდან მოსკოვისკენ მიმავალი ავტობუსი „კამაზის“ მარკის სატვირთო მანქანას შეეჯახა და თხრილში ჩავარდა. ბოლო ინფორმაციით, ექვსი ადამიანი დაიღუპა, მათ შორის ერთი, რომელიც საავადმყოფოს რეანიმაციულ განყოფილებაში გარდაიცვალა. რუსეთის ჯანდაცვის სამინისტროს ცნობით, სტავროპოლის მხარეში 26 დაშავებული, მათ შორის ცხრა ბავშვი, საავადმყოფოში მოათავსეს.
„ავარიაში მონაწილე ავტობუსის მძღოლი აკაკი თოფაძე იყო. ჩვენი ინფორმაციით, ის მამამისის ნაცვლად ავტობუსით მგზავრობდა“, - ნათქვამია განცხადებაში.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს