26 აგვისტოს, ოკუპირებულ აფხაზეთში, რიწის ტბის მიმდებარე ტერიტორიაზე რუსი ტურისტების ჯგუფს სცემეს. კონფლიქტი ადგილობრივებსა და რუსებს შორის მას შემდეგ დაიწყო, რაც რუს ტურისტებს კაფეში მომსახურების ხარისხი არ მოეწონათ და გადასახადი გააპროტესტეს. გავრცელებული ინფორმაციით, 30-მდე ადგილობრივმა რუსებს სხვადასხვა სახის დაზიანება მიაყენა. დაზარალებულების თქმით, ადგილობრივებმა ჩხუბის დროს გამოიყენეს სკამები და ჭიქებიც. 

ადგილზე მისულმა ე.წ. სამართალდამცველებმა რუსები გუდაუთის "მილიციის" განყოფილებაში გადაიყვანეს. მათ სამედიცინო შემოწმება გაიარეს. ერთ-ერთს ყბის მოტეხილობა დაუდგინდა, დანარჩენებს კი ტვინის შერყევა, ჰემატომები, ნაკაწრები და ჭრილობები აღენიშნებოდათ.

გამოცემა Кавказский Узел-ის ცნობით, დაზარალებული რუსი ტურისტები აცხადებენ, რომ სამი დღის შემდეგაც მათი ცემისთვის არავინ დასჯილა. ისინი 
სისხლის სამართლის საქმის აღძვრასა და თავდამსხმელების დაკავებას ითხოვენ და დახმარებისთვის რუსეთის ხელისუფლებას მიმართავენ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო