საქართველოს პრეზიდენტის მიერ წარმოდგენილი  უზენაესი სასამართლოს წევრობის კანდიდატის  ნონა თოდუას  განცხადებით,  ჟურნალისტმა მას მოტყუებით ჩამოართვა ინტერვიუ, სადაც სექსუალურ უმცირესობებთან დაკავშირებით საუბრობს.

როგორც თოდუამ პარლამენტის იურიდიულ საკითხთა კომიტეტის სხდომაზე  განაცხადა, არავითარი ფობიური მას არ უთქვამს,  ბევრ არატრადიციული ორიენტაციის მქონე სტუდენტს იცნობს და ისინი განსაკუთრებულად უყვარს.

"უბრალოდ, მენანება ისინი ამგვარი გადახრისთვის", - აღნიშნა თოდუამ.

მისივე თქმით,  მოსამართლისთვის მნიშვნელობა არ აქვს, ვინ როგორი ორიენტაციისა, რადგან მოსამართლე გადაწყვეტილების მიღებისას,  სამართლიანობას უნდა დაეფუძნოს და არა- მორალურ შეხედულებებს.

"ჟურნალისტმა ინტერვიუ  შეიძლება ითქვას, მოტყუებით ჩამომართვა.უბრალოდ მე ახლა ამას არ ვჩივი, იყო პრეცედენტი ევროპაში, რომ უჩივლა და მოიგო. ჟურნალისტმა არ მითხრა, რომ ეს იყო ინტერვიუ. მან მე დამირეკა - მე ვარ ჟურნალ "ლიბერალიდან" და იცით, ქალბატონო, ერთი კითხვა გამიჩნდა თქვენი წიგნი რომ წავიკითხე, ეს ფრაზა გაქვთ, რომ მამათმავლობა არ უნდა ისჯებოდეს, თუ ეს ნებაყოფლობითია, თუმცა ამორალურია, რატომ თვლით ამორალურია?

მე ჩავთვალე, რომ ერთ ჟურნალისტს გაუჩნდა რაღაც კითხვა და როგორც მე, უნივერსიტეტის პროფესორს,  მეკითხება და მასთან დავიწყე შინაურული საუბარი. თუ წაიკითხეთ თქვენ, მას ინტერვიუს ფორმა არ აქვს, ისაა შინაურული საუბარი, ვუხსნი, თუ რატომ მიმაჩნია ასე - რომ კულტურის ნორმებიდან გამომდინარეობს, კულტურის ნორმებიდან მართლწინააღმდეგობა გამომდინარეობს, ეს იურისტისთვის არის მთავარი, ჩვენ როცა ვამბობთ, ეს ქმედება მართლსაწინააღმდეგოა, რა გვაქვს საზომი, კულუტურის ნორმა, კულტურის ნორმა საიდან მოდის? ზოგადსაკაცობრიო ზნეობრივი ნორმებიდან, ის კიდევ თავის მხრივ საიდან მოდის? ბიბლიიდან. ამას არავინ უარყოფს ხომ? და დავუწყე შინაური საუბარი, რომ ეს არაა საზოგადოების უმრავლესობა. ბოლოს რომ შევეკითხე, თქვენ უკაცრავად ხომ არ იწერთ ჩემს საუბარს? კი,  რა თქმა უნდაო, და რატომ არ გამაფრთხილეთ-მეთქი და თქვენ თვითონ უნდა მიმხვდარიყავით, მე ხომ გითხარით ჟურნალისტი ვარ.

არავითარი ფობიური იმ ინტერვიუში არ იყო. პირიქით, მე ვამბობ, რომ რამდენიმე ადამიანი მყავს ნაცნობი, მათ შორის სტუდენტებიც, რომლებსაც არა მარტო ეტყობათ, რომ ამგვარი ორიენტაციის არიან, არამედ ტელევიზიით გამოვიდნენ, მოძრაობა "იდენტობის" სახელით განცხადებები გააკეთეს. ძალიან მიყვარს მე ეს სტუდენტები, მეტად შეიძლება, ვიდრე- სხვა. რატომ? არიან ძალიან ზრდილობიანები, არიან ძალიან კაცთმოყვარეები, ეს თვალებში ეტყობათ, მოტივირებულები არიან  სწავლობენ, მე მენანება ისინი ამგვარი გადახრისთვის უბრალოდ. ყველა ადამიანს ხომ აქვს თავისი ნაკლი? მე ჩემი ნაკლი მაქვს, იმას თავისი. მე რომ ვინმემ მითხრას შენი ნაკლი ის არის, რომ ხშირად განიკითხავ სხვას,  ვინ გითხრა, რომ ეს ამორალობაა და ფობიაა, არ იქნება სწორი. ყველა ადამიანს თავისი ნაკლი აქვს, მათი ნაკლი ეს არის, ამიტომ, თუ გააცნობიერებენ იქნება კარგი, მაგრამ ეს არის მორალური. ამას მოსამართლესთან არანაირი კავშირი არ აქვს. მე თუ საქმე მომივა მათი დისკრიმანციის შესახებ, ვთქვათ ასეთი პირები სცემეს, რატომ ხარ განსხვავებული სექსუალური ორიენტაციის, მე გამოვიტან გადაწყვეტილებას, რომ არ უცემიათ? და რომ ეს კარგი იყო? რა კავშირშია? მე რომ გადაწყვეტილებას მივიღებ, სამართლიანობას უნდა დავეფუძნო და არა მორალურ შეხედულებებს", - განაცხადა ნონა თოდუამ.

რაც შეეხება იმას, აქვთ თუ არა უფლება სექსუალურ უმცირესობებს,  გამოხატონ თავიანთი პოზიცია,  თოდუას აზრით, "თუ ისინი ჩათვლიან, რომ  იჩაგრებიან,  მათ აქვთ  კარკვეული მსვლელობის უფლება, მაგრამ თუ ისინი არ იჩაგრებიან და მათი მიზანია,  უბრალოდ თავიანთი ცხოვრების წესის  რეკლამირება მოახდინონ, ეს ცუდია, მაგრამ სახელმწიფომ იმ მომენტში  ასეთი ადამიანების უსაფრთხოება უნდა უზრუნველყოს".

"ანუ, როცა რეკლამირებას ახდენს პირი იმისას, რაც არ არის მორალური, ეს არის საზოგადოებისთვის ცუდი, მაგრამ მას ამის უფლება აქვს", - განაცხადა ნონა თოდუამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას