დასავლეთ ალასკაში, დისტანციური რადარის სადგურთან ახლოს, ჩარტერულმა თვითმფრინავმა კატასტროფა განიცადა, რის შედეგადაც ბორტზე მყოფი 8 ადამიანი დაიღუპა. ინფორმაციას CNN-ი ფედერალური ავიაციისა და სამხედრო ოფიციალურ პირებზე დაყრდნობით ავრცელებს.

წინასწარი მონაცემებით, Cessna 441-ის ტიპის თვითმფრინავი ანკორიჯიდან სამხრეთ-დასავლეთით, დაახლოებით 450 მილის დაშორებით მდებარე კეიპ ნიუენჰემისკენ მიემართებოდა, როდესაც დანიშნულების ადგილთან ახლოს ჩამოვარდა.

Associated Press-ის ცნობით, სატრანსპორტო უსაფრთხოების ეროვნული საბჭოს (NTSB) ალასკის რეგიონის ხელმძღვანელმა, კლინტ ჯონსონმა დაადასტურა, რომ ჩარტერული რეისით ორი პილოტი და ექვსი მგზავრი გადაადგილდებოდა.

ავიაკატასტროფის გამომწვევი მიზეზი ამ ეტაპზე უცნობია. მომხდარზე დეტალურ გამოძიებას აშშ-ის ფედერალური საავიაციო ადმინისტრაცია (FAA) და სატრანსპორტო უსაფრთხოების ეროვნული საბჭო ჩაატარებენ.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო