18 აგვისტოს დილით, რუსეთის არმიის მიერ უკრაინის ხარკოვის ოლქის დაბა პეჩენიგიზე განხორციელებული სარაკეტო შეტევის შედეგად, სულ მცირე 10 ადამიანი დაიღუპა, 17 კი დაშავდა. ინფორმაცია მსხვერპლისა და ნგრევის შესახებ ხარკოვის ოლქის სამხედრო ადმინისტრაციამ გაავრცელა. უწყების ცნობით, იერიშის შედეგად დაზიანდა 10 საცხოვრებელი სახლი, კაფე, ფოსტის შენობა და მაღაზია.

მომხდარს უკრაინის პრეზიდენტი ვოლოდიმირ ზელენსკი გამოეხმაურა და დაღუპულთა ოჯახებს სამძიმარი გამოუცხადა. ზელენსკის განცხადებით, დარტყმა განხორციელდა ხალხმრავალ გზაჯვარედინზე, სადაც სამოქალაქო ობიექტები — ფოსტა და მაღაზიები მდებარეობს, გარშემო კი მხოლოდ საცხოვრებელი სახლებია.

უკრაინის პრეზიდენტმა აღნიშნა, რომ ტრაგედიის ყველა გარემოება დადგინდება, რუსეთის ამ იერიშს კი უკრაინული მხარე აუცილებლად უპასუხებს. მან პარტნიორებს კიდევ ერთხელ მოუწოდა უკრაინის მხარდაჭერისა და რუსეთზე ზეწოლის გაძლიერებისკენ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო