თბილისის მერია აღმაშენებლის გამზირის მნიშვნელოვანი მონაკვეთის — თამარ მეფის გამზირიდან მარჯანიშვილის მოედნის ჩათვლით არსებული საგზაო მონაკვეთის რეაბილიტაციას იწყებს. როგორც დედაქალაქის მერმა, კახა კალაძემ მთავრობის სხდომაზე განაცხადა, სარეაბილიტაციო სამუშაოების შესყიდვის მიზნით ტენდერი უკვე გამოცხადებულია და იგი მიმდინარე წლის 3 სექტემბერს დასრულდება.

პროექტის ფარგლებში სრულად მოწესრიგდება სანიაღვრე ქსელი, რეაბილიტაცია ჩაუტარდება ტროტუარებსა და საავტომობილო გზას, არსებული დაზიანებული ქვაფენილი კი ასფალტის ახალი საფარით ჩანაცვლდება. გარდა ამისა, მოეწყობა ველობილიკი, განახლდება გარე განათების სისტემა და დამონტაჟდება თანამედროვე LED ლამპიონები. მარჯანიშვილის მოედანზე ასევე განახლდება გამწვანების კუნძულები და მთლიანი ინფრასტრუქტურა შშმ პირებისთვის ადაპტირდება.

კახა კალაძის თქმით, მუნიციპალიტეტის მიზანია შექმნას მოწესრიგებული, უსაფრთხო და თანამედროვე გარემო, რომელიც ათეულ წლებს გაუძლებს. დედაქალაქის მერმა ყველა დაინტერესებულ და კვალიფიციურ კომპანიას მოუწოდა, აქტიურად მიიღონ მონაწილეობა გამოცხადებულ ტენდერში.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო