აშშ-ის პრეზიდენტ დონალდ ტრამპის მოწონების რეიტინგი მისი პრეზიდენტობის ყველაზე დაბალ ნიშნულამდე დაეცა და ამერიკელების დიდი უმრავლესობა შეშფოთებულია, რომ აშშ-ის ომი ირანთან გაჭიანურდება.

ამის შესახებ,  Reuters/Ipsos-ის გამოკითხვის თანახმად ხდება ცნობილი.

გამოკითხვის თანახმად, ოთხი დღის განმავლობაში გამოკითხულ რესპონდენტთა მხოლოდ 33%-მა განაცხადა, რომ ისინი ამტკიცებდნენ ტრამპის მუშაობას თეთრ სახლში, ხოლო 64%-მა უკმაყოფილება გამოთქვა.

აღნიშნულია, რომ ტრამპის მოწონების რეიტინგი, რომელიც აგვისტოს დასაწყისში ჩატარებული გამოკითხვის 35%-დან შემცირდა და მისი ამჟამინდელი ვადის ყველაზე დაბალი მაჩვენებელი იყო, ახლა მისი წინა ვადის ყველაზე დაბალ ნიშნულს გაუტოლდა, რომელიც 2017 წლის დეკემბერში დაფიქსირდა.

გამოკითხვის მონაცემები აჩვენებს, რომ ამერიკელების დაახლოებით 80% - მათ შორის დემოკრატების 87% და რესპუბლიკელების 71% - თვლის, რომ აშშ-ის ჩართულობა ირანთან კონფლიქტში „დიდხანს გაგრძელდება“.

ამავდროულად, რესპონდენტთა მხოლოდ 16% თვლის, რომ კონფლიქტი, სავარაუდოდ, რამდენიმე კვირაში დასრულდება.

Reuters/Ipsos-ის ონლაინ გამოკითხვაში მთელი ქვეყნის მასშტაბით 1,166 ზრდასრული ამერიკელი მონაწილეობდა, ორივე მიმართულებით 3 პროცენტული პუნქტის ცდომილების ზღვრით.

ტრამპმა ცოტა ხნის წინ განაცხადა, რომ მას შემდეგ, რაც შეერთებული შტატები „ირანს დაამარცხებს“, ჰორმუზის სრუტის აშშ-ის ტერიტორიად გამოცხადებას გეგმავს.

ირანმა უპასუხა, რომ ჰორმუზის სრუტის ხელში ჩაგდება ტვიტით, ავიამზიდით, აღმასრულებელი ბრძანებით ან საარჩევნო კამპანიის სიტყვით არ შეიძლება.

აშშ-ის თავდაცვის მდივანი პიტ ჰეგსეთი ამტკიცებს, რომ აშშ-ის სამხედრო-საზღვაო ძალებს საკმარისი რესურსები აქვთ ირანის საზღვაო ბლოკადის განუსაზღვრელი ვადით შესანარჩუნებლად.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

გეკა გელაძე შს მინისტრის მოადგილის თანამდებობას დაიკავებს

განახლებული ინტეგრაციის სერვისი თიბისის ბიზნესმომხმარებლებისთვის

ივანიშვილის მთავრობამ მამუკა მდინარაძეს სახელმწიფო დაცვა დაუნიშნა

ჯუანშერ ბურჭულაძეს საპროცესო გაუფორმდა - ის საპატიმროს 2 წელში დატოვებს და ₾2 მილიონს გადაიხდის