რუსეთი უარს ამბობს თურქეთის ინიციატივაზე, რომელიც შავ ზღვაში საბრძოლო მოქმედებებსა და გემებზე დარტყმებზე მორატორიუმის გამოცხადებას ითვალისწინებდა.

რუსეთის საგარეო საქმეთა სამინისტროს ოფიციალური წარმომადგენლის, მარია ზახაროვას განცხადებით, მოსკოვი ამ ეტაპზე მსგავსი ზომების მისაღებად რეალურ საფუძველს ვერ ხედავს.

აღნიშნული ინიციატივით თურქეთის საგარეო საქმეთა მინისტრი ჰაკან ფიდანი გამოვიდა. მან სააგენტო „ანადოლუსთან“ ინტერვიუში განაცხადა, რომ ანკარამ რუსეთსა და უკრაინას შავ ზღვაში შეტევების შეწყვეტის სპეციალური მექანიზმის შექმნა შესთავაზა, შესაბამისი ოფიციალური წინადადებები გადასცა და მხარეებისგან პასუხს ელოდებოდა.

ფიდანის განმარტებით, შავ ზღვაში უსაფრთხოების უზრუნველყოფის მიზნით, თურქეთს მსგავსი თხოვნით ადრე უკრაინულმა მხარემაც მიმართა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს