„ჩვენ უნდა გვესმოდეს ის, რომ დღეს არ დაკმაყოფილდა ექსტრადიცია, ხვალ დაკმაყოფილდება", - ამის შესახებ საქართველოს იუსტიციის მინისტრმა თეა წულუკიანმა ლონდონის სასამართლოს მიერ დავით კეზერაშვილის  უდანაშაულოდ ცნობასთან დაკავშირებით განაცხადა.

წულუკიანის მტკიცებით, დღეს თუ არა ხვალ,  თითოეულ იმ გაქცეულ ადამიანს იხილავენ საქართველოში, რომელზეც სისხლის სამართლის  საქმეა აღძრული.

 "ჩვენმა ხელისუფლებამ მრავალი თვის, თითოეული ნაბიჯის ეფექტურად გავლის შედეგად ისე, რომ საქართველოს მთავარ პროკურატურას არ დაუყრია ფარხმალი, სულ რამდენიმე დღის წინ ჩამოაბრძანა ბატონი მასტერა, იმ ქვეყნიდან, სადაც ბრძანდებოდა. აქედან გამომდინარე, ჩვენ რა თქმა უნდა თითოეულ იმ გაქცეულ ადამიანს, რომელზეც საქმეა აღძრული, დღეს თუ არა ხვალ, ვიხილავთ საქართველოში. ამისთვის მუშაობა არ შეჩერდება და ჩვენ გვაქვს წარმატების მაგალითები. დღეს ვერ დარწმუნდა, რომელიმე სასამართლო საზღვარგარეთ, ხვალ დარწმუნდება აუცილებლად",- აღნიშნა წულუკიანმა.

შეგახსენებთ, ლონდონის სასამართლომ დავით კეზერაშვილი უდანაშაულოდ სცნო და მის საქართველოში ექსტრადირებაზე უარი განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას