დღეს, ევროკომისიამ დაასრულა Scaleup Europe Fund-ის შექმნისთვის საჭირო ყველა სამართლებრივი პროცედურა, განაცხადა ევროკომისიამ თავის ვებგვერდზე.

კომისიის ცნობით, ფონდი მხარს დაუჭერს ევროპული სტარტაპების განვითარებას მასშტაბირების ეტაპზე, რაც მათ საშუალებას მისცემს უფრო სწრაფად გაიზარდონ და გლობალურად კონკურენცია გაუწიონ.

ფონდის სამიზნე მოცულობა 5 მილიარდი ევროა.

„როდესაც ევროპა ინვესტირებას ახორციელებს საკუთარ ინოვატორებში, ის ინვესტირებას ახორციელებს საკუთარ მომავალში. სწორედ ეს არის ჩვენი Scaleup Europe Fund-ის მიზანი. დღეიდან, ფონდი უზრუნველყოფს, რომ ევროპულ სტარტაპებს, აქ, ევროპაში, ჰქონდეთ წვდომა რესურსებზე, რაც მათ მსოფლიო დონის კომპანიებად ჩამოყალიბებაში დაეხმარება. ჩვენი მიზანია, ევროპული ინოვაცია კონკურენტულ უპირატესობად ვაქციოთ“, - განაცხადა ევროკომისიის პრეზიდენტმა ურსულა ფონ დერ ლაიენმა.

ფონდი ამჟამად სრულად ფუნქციონირებს და პირდაპირ ინვესტიციებს ახორციელებს წამყვან ევროპულ სტარტაპებში მასშტაბირების ეტაპზე.

ფონდის პირველი ინვესტიციები, სავარაუდოდ, მომდევნო კვირებში განხორციელდება. ფონდი მხარს დაუჭერს კომპანიებს მასშტაბირების ეტაპზე კრიტიკულ ტექნოლოგიურ სფეროებში, მათ შორის ხელოვნურ ინტელექტში, კვანტურ ტექნოლოგიებში, ბიოტექნოლოგიასა და სუფთა ტექნოლოგიებში.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო

თიბისის საავტორო ღონისძიებების სერია - GitHub-თან პარტნიორობით CO-CREATE INNOVATION-ის მეორე შეხვედრა გაიმართა