ახალგაზრდა იურისტთა ასოციაცია იუმორისტ ონისე ოქრიაშვილზე თავდასხმის ფაქტს ეხმაურება. ორგანიზაცია წერს, რომ ქართულმა ოცნებამ მათ მიმართ კრიტიკულად განწყობილი ადამიანების წინააღმდეგ ძალადობრივი გარემო შექმნა და ეს შემთხვევაც სწორედ ამის შედეგია.

"ონისე ოქრიაშვილზე თავდასხმა იზოლირებული შემთხვევა არაა. ის სახელმწიფოს მიერ შექმნილი ძალადობრივი გარემოს შედეგია, რომელიც, უკვე წლებია, აქტიურად გამოიყენება ქართული ოცნების მიმართ კრიტიკულად განწყობილი ადამიანების წინააღმდეგ.

მესამე პირთა მხრიდან ხელისუფლების მიმართ კრიტიკულად განწყობილ ადამიანებზე თავდასხმა წარსულში იდენტიფიცირებული ქცევის მოდელია. სახელმწიფოს მხრიდან, როგორც წესი, ძალადობის წახალისების და დაუსჯელობის ზოგადი გარემოს შექმნის შედეგად, უგულებელყოფილი რჩება მისი ვალდებულება, დაიცვას ადამიანები ძალადობისაგან და უზრუნველყოს მოძალადეთა სათანადო პასუხისმგებლობა.

ონისე ოქრიაშვილზე თავდასხმა და ზემოთ განხილული ქცევის სხვა მოდელები, ერთიანობაში მიუთითებს, რომ ქართული ოცნება ოპონენტების წინააღმდეგ ძალადობრივ გარემოს ჯერ ქმნის და შემდეგ ინარჩუნებს, რითაც, რეპრესიის სხვა ფორმებთან ერთობლიობაში, ჩნდება, მათ შორის, ფიზიკური უსაფრთხოების მნიშნველოვანი გამოწვევები". - წერია საია-ს განცხადებაში.

საია აგრეთვე წერს, რომ ძალადობის წამახალისებელ კამპანიებში დიდი როლი აქვს სამთავრობო მედიებსაც.

"განსაკუთრებით შემაშფოთებელია, რომ ძალადობის წამახალისებელ კოორდინირებულ კამპანიებში დიდი როლი აქვს პროსახელისუფლებო მედიას, რომელიც, ფაქტობრივად, საზოგადოებაში თავისუფალი გამოხატვის, შეკრებისა და სხვა ძირითადი უფლებებით სარგებლობისგან შემაკავებელი ეფექტის შექმნის მიზნით, ძალადობის სამიზნეების მონიშვნისა და მათი დისკრედიტაციის ფუნქციას ასრულებს". - წერს არასამთავრობო ორგანიზაცია.

ავტორი: ექსპრესნიუსი,

სოციალური ქსელები

პენტაგონმა ბალტიისპირეთის ქვეყნებს მოუწოდა, თავი შეიკავონ რუსეთის წინააღმდეგ მკაცრი განცხადებებისგან

ბათუმში მაღაზია გაქურდეს – დააკავეს ორი არასრულწლოვანი

ნორვეგიის ჰელსინკის კომიტეტი - ჩვენ ვგმობთ „ქართული ოცნების“ მცდელობას, საკონსტიტუციო სასამართლოს მეშვეობით აკრძალოს ხუთი ოპოზიციური პარტია

ჰაკერებმა მსხვილი კრიპტოვალუტის ბირჟა გატეხეს და შესაძლოა, მილიარდობით დოლარი მოიპარეს