რუსეთის სახელმწიფო დუმის დეპუტატი და დსთ-ის საქმეთა და თანამემამულეებთან ურთიერთობის კომიტეტის თავმჯდომარის პირველი მოადგილე კონსტანტინ ზატულინი რუსულ მედია გაზეტა.რუ-სთან საქართველოში, თელავში მომხდარ ინციდენტს გამოეხმაურა.

"ადამიანმა, რომელმაც ზიანი მიაყენა სხვა ადამიანს, მიუხედავად მისი ეროვნებისა თუ მოქალაქეობისა, უნდა აგოს პასუხი, თუ საქმე მართლაც ასეა.

ეჭვი არ მეპარება, რომ ისინი, ვინც მას იცავენ პრინციპით - "ჩვენიანს არ გავწირავთ" - სინამდვილეში თავად საქართველოს იმიჯს აზიანებენ. თუმცა, ჩემი აზრით, იმ ადამიანების საქციელის გადატანა, რომლებიც დამნაშავეს მხარს უჭერენ, ყველა თბილისელსა თუ მთლიანად საქართველოზე, არასწორია",-  თქვა მან.

ზატულინი ამბობს, რომ თუ რუსეთის მოქალაქე ქალზე თავდამსხმელი საქართველოს მოქალაქე - არ დაისჯება მხოლოდ იმიტომ, რომ "თავისიანია" - ეს გავლენას მოახდენს იმ ადამიანთა [რუსების] გადაწყვეტილებაზე, რომლებიც საქართველოში მოგზაურობას გეგავდნენ". 

თელავის რაიონულმა სასამართლომ Agarani Estate-ში ქორწილის დროს მომხდარი ინციდენტის საქმეზე დაკავებულ გიორგი ჭიღლაძეს აღკვეთის ღონისძიების სახით 5 000-ლარიანი გირაო შეუფარდა.

ინციდენტი 18 ივლისს, თელავის მუნიციპალიტეტის სოფელ რუისპირში მდებარე სასტუმრო Agarani Estate-ში მოხდა. არსებული ინფორმაციით, ქორწილის სტუმრებსა და სასტუმროში მყოფ რუსეთის მოქალაქეებს შორის თავდაპირველად სიტყვიერი დაპირისპირება დაიწყო, რომელიც მოგვიანებით ფიზიკურ დაპირისპირებაში გადაიზარდა.

გამოძიების მასალების მიხედვით, რუსმა ტურისტებმა სასტუმროს აივნიდან ქორწილის სტუმრებს სიტყვიერი შეურაცხყოფა მიაყენეს და წყალი გადაასხეს მუსიკალურ აპარატურას. ამის შემდეგ, ბრალდების ვერსიით, გიორგი ჭიღლაძემ ერთ-ერთ ქალს ფიზიკური დაზიანება მიაყენა. თავის მხრივ, თავად გიორგი ჭიღლაძეც აცხადებს, რომ ყელის არეში დაზიანება მიიღო.

მომხდარის შემდეგ სამართალდამცავებმა გიორგი ჭიღლაძე დააკავეს. მას ბრალი საქართველოს სისხლის სამართლის კოდექსის 120-ე მუხლის პირველი ნაწილით წარედგინა, რაც ჯანმრთელობის განზრახ მსუბუქ დაზიანებას გულისხმობს.

ავტორი: ექსპრესნიუსი,

სოციალური ქსელები

ფინეთისა და ნორვეგიის ლიდერებმა პუტინს აცნობეს ზელენსკის მზადყოფნის შესახებ, პირად შეხვედრაზე განიხილოს ტერიტორიული საკითხი

პენტაგონმა ბალტიისპირეთის ქვეყნებს მოუწოდა, თავი შეიკავონ რუსეთის წინააღმდეგ მკაცრი განცხადებებისგან

ბათუმში მაღაზია გაქურდეს – დააკავეს ორი არასრულწლოვანი

ნორვეგიის ჰელსინკის კომიტეტი - ჩვენ ვგმობთ „ქართული ოცნების“ მცდელობას, საკონსტიტუციო სასამართლოს მეშვეობით აკრძალოს ხუთი ოპოზიციური პარტია