აშშ-ის პრეზიდენტი დონალდ ტრამპი დაემუქრა ირანს, რომ მომავალ კვირას დარტყმას მიაყენებს მის ხიდებსა და ელექტროსადგურებს, თუ ქვეყანა მოლაპარაკებების მაგიდას არ დაუბრუნდება.

„მომავალ კვირას მათთვის ყველაფერი ძალიან ცუდად წავა“, - განაცხადა ტრამპმა, - „ჩვენ მწყობრიდან გამოვიყვანთ მათ ყველა ელექტროსადგურს. დავანგრევთ მათ ყველა ხიდს, თუ ისინი მოლაპარაკებების მაგიდასთან არ დასხდებიან და შეთანხმებას არ შეეცდებიან“.

ეს განცხადება ირანზე აშშ-ის შვიდსაათიანი დარტყმების ტალღამდე რამდენიმე საათით ადრე გაჟღერდა. აშშ-მა ასევე ირანის პორტების ბლოკადა განაახლა, რომელიც პირველად, მიმდინარე წლის აპრილიდან ივნისამდე მოქმედებდა. 

გადაწყვეტილება აპრილში ვაშინგტონმა თეირანზე ზეწოლის მიზნით მიიღო. სრუტე ურთიერთგაგების მემორანდუმის ფარგლებში ისევ გაიხსნა, თუმცა, ბოლო კვირების განმავლობაში, ზავის პირობები დაირღვა და კონფლიქტის ესკალაცია გრძელდება. 

„ნავთობი ისე მიედინება, როგორც არასდროს, ამერიკის შეერთებული შტატების არმიის უზარმაზარი ძალის წყალობით,” - წერს სოციალურ ქსელ Truth Social-ზე გამოქვეყნებულ თავის ბოლო პოსტში აშშ-ის პრეზიდენტი. 

"…მთელ მსოფლიოში ყველაზე მძლავრი არმიის დამსახურებით, ჰორმუზის სრუტე ღიაა ყველა სახის საზღვაო მიმოსვლისთვის, გარდა ირანისა - ეს მათი მატყუარა, ძალადობრივი და ბოროტი ხელმძღვანელობის ბრალია, რომელსაც ქვეყანა სრული განადგურების გზით მიჰყავს. შესაბამისად, ჩვენ დავაწესებთ სრულ ბლოკადას, თუმცა მხოლოდ იმ გემებზე, რომლებიც ირანის პორტებში შედიან, იქიდან გამოდიან, ან გადააქვთ ნებისმიერი ტვირთი, რომელიც ირანულ ტვირთთან არის დაკავშირებული.

ახლო აღმოსავლეთის ლიდერებთან ძალზე ნაყოფიერი საუბრების საფუძველზე, გადავწყვიტე, რომ ამერიკის შეერთებული შტატების 20%-იანი კომპენსაციის მოსაკრებელი ჩავანაცვლო სავაჭრო და საინვესტიციო შეთანხმებებით. ეს ინვესტიციები მასშტაბური იქნება, თუმცა, ამავდროულად, არაჩვეულებრივად სასარგებლო მათთვის და მათი მომავლისთვის", - თქვა ტრამპმა. 

ტრამპს ამ შეთანხმებების შესახებ სხვა დეტალები არ გაუსაჯაროებია. 

ავტორი: ექსპრესნიუსი,

სოციალური ქსელები

კობახიძე - გაზის ტარიფთან დაკავშირებით გადაწყვეტილებას იღებს სემეკი

კობახიძემ სენატორი ჯო უილსონს კორუფციაში და დანაშაულის ჩადენაში დასდო ბრალი

კობახიძე - არ შეიძლება სერიოზული კომენტარები ვაკეთოთ ბატონი გვარამიას განცხადებებზე, ეს არის ისტერიული მცდელობა, რომ საკუთარი ცოდვები გადაფარონ

კობახიძე საკონსტიტუციო სასამართლოში მიმდინარე პროცესზე - არის მარტივი, მშრალი პოლიტიკური განცხადებები, თუმცა ვერაფერს უპირისპირებენ იმ დასაბუთებულ სარჩელს