11 ივლისს, თბილისში, უკრაინაში დაღუპული ქართველი მოხალისეების ხსოვნისადმი მიძღვნილი მსვლელობა გაიმართება. მონაწილეები დედაქალაქის მთავარ საკონცერტო დარბაზში, ფილარმონიაში შეიკრიბებიან.

განცხადებაში ნათქვამია, რომ ორ საუკუნეზე მეტია, ქართველი ხალხი რუსული იმპერიალიზმისა და ოკუპაციის წინააღმდეგ იბრძვის და ისტორიის სხვადასხვა პერიოდში სხვა ხალხებმა, მათ შორის უკრაინელებმა, მსგავსი გზა გაიარეს თავისუფლებისკენ სწრაფვაში.

ორგანიზატორები აცხადებენ, რომ დღეს უკრაინა მშვიდობისთვის იბრძვის და საერთო მტრისგან თავის დამოუკიდებლობასა და სუვერენიტეტს იცავს. ამ ბრძოლაში, მათი თქმით, საქართველოს მოქალაქეებიც მონაწილეობენ, რომლებიც, მათი სიტყვებით, „უკრაინაში საქართველოსთვის იბრძვიან“.

„ქართველები ღირსეულ წვლილს შეაქვთ ამ ბრძოლაში. ისინი უკრაინაში იბრძვიან საქართველოსთვის. ამ ომში 120-ზე მეტმა ქართველმა გმირმა გასწირა სიცოცხლე. მათი თავდადება და გამბედაობა განსაკუთრებულ ადგილს დაიკავებს საქართველოსა და უკრაინის ისტორიაში.

მსვლელობა, რომელიც შაბათს, 11 ივლისს გაიმართება, მათ ხსოვნას ეძღვნება. მათი გმირობა გვაძლევს ძალას, უარი ვთქვათ ოკუპაციაზე და დავიცვათ ჩვენი ქვეყნის დამოუკიდებლობა, მშვიდობა და მომავალი.

11 ივლისი, შაბათი, 19:00 საათი.

ფილარმონიიდან პარლამენტამდე.

დიდება გმირებს!

დიდება საქართველოს!

დიდება უკრაინას!“, - ნათქვამია ორგანიზატორების განცხადებაში.

ავტორი: ექსპრესნიუსი,

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს