ევროკომისიის პრეზიდენტმა, ურსულა ფონ დერ ლაიენმა, სომხეთის პრემიერ-მინისტრ ნიკოლ ფაშინიანთან ერთად გამართულ პრესკონფერენციაზე განაცხადა, რომ 7 ივნისს ჩატარებულმა საპარლამენტო არჩევნებმა კიდევ ერთხელ აჩვენა ქვეყნის დემოკრატიის სიმტკიცე და 2018 წლის „ხავერდოვანი რევოლუციის“ სულისკვეთების სიცოცხლისუნარიანობა.

მან ხაზი გაუსვა, რომ სომხეთის მოსახლეობამ მკაფიო არჩევანი გააკეთა კანონის უზენაესობის, რეფორმებისა და ევროკავშირთან მჭიდრო, პარტნიორობის სასარგებლოდ, ასევე, აღუთქვა ევროკავშირის სრული მხარდაჭერა ამ მისწრაფებების ხელშესახებ შედეგებად ქცევაში.

"სომხეთი აგრძელებს გზას დემოკრატიისკენ, რეფორმებისკენ, მშვიდობისა და ევროკავშირთან უფრო მჭიდრო თანამშრომლობისკენ. 7 ივნისს სომხეთის ხალხმა მკაფიო არჩევანი გააკეთა - ხმა მისცა დემოკრატიას, კანონის უზენაესობას, რეფორმებსა და მშვიდობას, და აირჩია ევროკავშირთან ღია და ყოვლისმომცველი პარტნიორობა. ახლა ჩვენ ეს მისწრაფებები ხელშესახებ შედეგებად უნდა ვაქციოთ. ამ ძალისხმევაში შეგიძლიათ ჩვენი მხარდაჭერის იმედი გქონდეთ",- განაცხადა ევროკომისიის პრეზიდენტმა.

არჩევნების შედეგების მიხედვით, სომხეთის ახალ პარლამენტში სულ სამი პოლიტიკური ძალა იქნება წარმოდგენილი. მმართველი პარტია „სამოქალაქო ხელშეკრულება“ საკანონმდებლო ორგანოში უმრავლესობას - 64 მანდატს მოიპოვებს, ალიანსი „ძლიერი სომხეთი“ წარმოდგენილი იქნება 29 დეპუტატით, ხოლო ალიანსი „სომხეთი“ 12 მანდატს დაიკავებს.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა