UFC-ის პრეზიდენტმა დანა უაითმა განაცხადა, რომ ქართველი მებრძოლი ილია თოფურია ბრძოლაში წაგების შემდეგ საავადმყოფოში იმყოფება, თვალის სერიოზული ტრავმით.

უაითმა აღნიშნა, რომ ის ექიმი არ არის, მაგრამ UFC-ის ტიტულის დაკარგვის შემდეგ, თოფურიას, სავარაუდოდ, თვალის კაკალი აქვს მოტეხილი.

„ამჟამად, ილიასთვის ჩემი ერთადერთი გეგმა სახლში დაბრუნება, დასვენება და გამოჯანმრთელებაა. ეს მისთვის ძალიან რთული საღამო იყო. მხოლოდ მისი ჯანმრთელობა და კეთილდღეობა მადარდებს. ახლა მის შემდეგ ბრძოლაზე არც კი ვფიქრობ - მინდა, რომ დაისვენოს და გამოჯანმრთელდეს“, - თქვა უაითმა.

UFC-ის მსუბუქი წონის ჩემპიონობისთვის ბრძოლაში ილია თოფურია ჯასტინ გეითჯისთან დამარცხდა. ბრძოლა ოთხ რაუნდს გაგრძელდა. მეხუთე რაუნდში ქართველმა მებრძოლმა თვალის ტრავმის გამო ვერ გააგრძელა ბრძოლა.

ტურნირი თეთრი სახლის ტერიტორიაზე გაიმართა და აშშ-ის დამოუკიდებლობის 250 წლისთავს დაემთხვა. ღონისძიებას დაახლოებით 4000 მაყურებელი დაესწრო, მათ შორის აშშ-ის პრეზიდენტი დონალდ ტრამპი.

ეს თოფურიას შერეული საბრძოლო ხელოვნების კარიერაში პირველი მარცხია. მის ანგარიშზე 17 გამარჯვება და ერთი წაგებაა.

ავტორი: ექსპრესნიუსი,

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო