„საქართველოსთვის“ წევრებმა ადრე დააინიცირეს დემონსტრაციებთან დაკავშირებით რაღაც საკითხი, რაც, უპირველეს ყოვლისა, ეხება მათ გაქცეულ ხელმძღვანელს. იგი გაქცეულია იმ გამოძიებისგან, რომელიც დემონსტრანტების წინააღმდეგ ძალადობას ეხება, – ამის შესახებ პარლამენტის თავმჯდომარემ, შალვა პაპუაშვილმა განაცხადა.

ჟურნალისტმა პაპუაშვილს კითხვა დაუსვა: „პარტია „გახარია საქართველოსთვის“ შეკრებისა და მანიფესტაციის შესახებ კანონში ცვლილებების პროექტს აინიცირებს, რომელიც 2024 წლამდე არსებული სამართლებრივი სტატუსკვოს აღდგენას ითვალისწინებს“.

კითხვის საპასუხოდ პარლამენტის თავმჯდომარემ აღნიშნა, რომ პარტიის წევრები ისეთ თემებს წამოწევენ, რომლებიც მათ წინააღმდეგაა მიმართული.

„მგონი, ეს ხალხი, რომელიც პარტია „საქართველოსთვის“ სახელით პარლამენტში არის, უნდა დაფიქრდეს და მიხვდეს, რომ გაქცეული გახარია უბრალოდ გარედან ამათ  დასცინის. ისეთ თემებს წამოაწევინებს, რომლებითაც  თავიანთ თავს აზიანებენ, მათ საწინააღმდეგოდ არის. ამას წინ დააინიცირეს დემონსტრაციებთან დაკავშირებით რაღაც საკითხი. ეს, უპირველეს ყოვლისა, ეხება მათ ხელმძღვანელს, რომელიც გაქცეულია და სწორედ გაქცეულია იმ გამოძიებისგან, რომელიც დემონსტრანტების წინააღმდეგ ძალადობას ეხება. გიორგი გახარია მხილებულია, რომ სწორედ ის ტრაგიკული შემთხვევები, რომლებიც მოხდა დემონსტრაციის დაშლისას, მისი ხელმძღვანელობით იყო. მიმდინარეობს სასამართლო გამოძიება, გაქცეულია ეს ადამიანი და მაინცდამაინც რატომ აყენებენ ეს ადამიანები ამ საკითხებს? სად ნახეს ჩახშობილი რომელიმე აზრი? რა რა და, საქართველოში აზრი, რომელიც გაცდენილია გონივრულობას და გადადის შეურაცხყოფაში, ფართოდ მოიპოვება ჩვენი მედიის სპექტრში“, – განაცხადა პაპუაშვილმა.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა