ტაილანდის მეფე მაჰა ვაჯირალონგკორნის (რამა X) უფროსი ქალიშვილი, პრინცესა ფაჩარა კიტიაფა, ბანგკოკში გარდაიცვალა. ამის შესახებ სამეფო ოჯახის ბიურომ განაცხადა.

ბიუროს ცნობით, „სამედიცინო პერსონალის მხრიდან ფრთხილი და ყურადღებიანი მოვლის მიუხედავად“, პრინცესას მდგომარეობა „თანდათან გაუარესდა“.

„2026 წლის 11 ივნისს, ხუთშაბათს, საღამოს 7:48 საათზე, იგი მშვიდად გარდაიცვალა 47 წლის ასაკში, მეფე ჩულალონგკორნის მემორიალურ საავადმყოფოში, რომელსაც ტაილანდის წითელი ჯვრის საზოგადოება მართავს“, - ნათქვამია განცხადებაში.

განმარტებულია, რომ იგი „გულის დაავადების გამო უგონო მდგომარეობაში იმყოფებოდა საავადმყოფოში 2022 წლის 15 დეკემბრიდან“.

2022 წლის დეკემბერში ფაჩარა კიტიაფამ გონება დაკარგა ძაღლების წვრთნის დროს პაკ ჩონის რაიონში, ნახონ რატჩასიმას პროვინციაში, ტაილანდის ჩრდილო-აღმოსავლეთით. ქალი თავდაპირველად ადგილობრივ საავადმყოფოში გადაიყვანეს, ხოლო როდესაც მისი მდგომარეობა სტაბილიზდა, ის ბანგკოკში, მეფე ჩულალონგკორნის მემორიალურ საავადმყოფოში გადაიყვანეს, რომელიც ქვეყანაში ერთ-ერთი საუკეთესოა. ამ წლების განმავლობაში პრინცესას სიცოცხლე ხელოვნური სუნთქვის აპარატებით ინარჩუნებდა.

ავტორი: ექსპრესნიუსი,

სოციალური ქსელები

8 თვეში საქართველოს საგარეო სავაჭრო ბრუნვა 8.3%-ით გაიზარდა - საქსტატი

AD Black Sea 2026-ის გრან პრის მფლობელი კვლავ PSP გახდა

განათლება, როგორც მუდმივი ძიება და აღმოჩენა | Forbes Under 30-ის 2025 წლის გამარჯვებული, ხატია თარგამაძე Forbes Under 30-ის სპონსორი საქართველოს ბანკია

თორნიკე რაზმაძე სასამართლოს პროცესის გახსნას ითხოვს