"საქართველოში ნატოს წვრთნისა და შეფასების ცენტრის გახსნა იგეგმება და არა სამხედო ბაზის", - ამის შესახებ თავდაცვის მინისტრმა მინდია ჯანელიძემ ჟურნალისტებს მთავრობის სხდომის დასრულების შემდეგ განუცხადა. 

მისივე შეფასებით, ნატო-ს საწვრთნელ ცენტრს, რომელიც საქართველოში გაიხსნება შეტევითი მიზნები არ ექნება და ის  ჩვენი ქვეყნის შეიარაღებული ძალების განვითარებისაკენ იქნება მიმართული. 

"საქართველოში არ იგეგმება ნატო-ს სამხედრო ბაზის განთავსება, იგეგმება წვრთნისა და შეფასების ცენტრის დაარსება, რომელიც მოემსახურება ჩვენი შეიარაღებული ძალების სამხედრო მოსამსახურეების პროფესიონალიზმის ამაღლებას. მათ ნატო-სთან თავსებადობის ხარისხსი ამაღლებას და ა.შ. ანუ ეს არ არის სამხედრო ბაზა, რომელსაც აქვს სამხედრო მიზნები და ამოცანები, ეს არის წვრთნისა და შეფასების ცენტრი. ამის შესახებ ნათლად დააფიქსირა პოზიცია ნატოს გენერალურმა მდივანმა იენს სტოლტენბერგმა",- აღნიშნა ჯანელიძემ.

მინისტრის თქმით, საქართველოში ნატო-ს საწვრთნელი ცენტრის გახსნა რუსეთის წინააღმდეგ მიმართული არ იქნება. 

 "ცალსახად მინდა ავღნიშნო, ამ ბაზას არ აქვს არანაირი შეტევითი აგრესიული მიზნები, ეს არის ჩვენი შეიარაღებული ძალების განვითარების და შესაბამისად, ნატო-სთან თავსებადობის ამაღლებისკენ მიმართული. მიკვირს, რატომ ანერვიულებთ ჩვენს მეზობლებს, იმიტომ რომ ამ ცენტრის დაარსება და მისი ოპერირება არც ერთი მესამე მხარის ინტერესების წინააღმდეგ მიმართული არ არის. ზედმეტი ვნებათაღელვის საფუძველი არ აქვს. ეს გეგმის მიხედვით განხორციელდება", - განაცხადა მინდია  ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა