31 მაისის ღამეს, რუსეთის სარატოვის ნავთობგადამამუშავებელ ქარხანაზე თავდასხმის დრონები შეიჭრნენ, რამაც ობიექტში მასშტაბური ხანძარი გამოიწვია.

ამის შესახებ, Telegram-ის მონიტორინგის არხები იუწყებიან.

ქალაქში აფეთქებების ხმა დაახლოებით დილის 3:00 საათზე გაისმა. ადგილობრივმა მაცხოვრებლებმა გამოაქვეყნეს ფოტოები და ვიდეოები, რომლებზეც ასახულია რამდენიმე ხანძარი და ნავთობგადამამუშავებელი ქარხნიდან ამომავალი სქელი კვამლის ღრუბელი. წინასწარი ინფორმაციით, იზომერიზაციის ბლოკს დაარტყა.

ადგილობრივმა ხელისუფლებამ ჯერ არ გააკეთა კომენტარი თავდასხმის შემდგომ მოვლენებზე. სარატოვის ოლქის გუბერნატორმა რომან ბუსარგინმა მხოლოდ რეგიონში დრონების საფრთხის შესახებ განაცხადა.

სარატოვის ნავთობგადამამუშავებელი ქარხანა ნავთობკომპანია „როსნეფტის“ ნაწილია და ვოლგის რეგიონში ერთ-ერთი უძველესი ნავთობგადამამუშავებელი ქარხანაა, რომელიც საწვავს ამარაგებს რუსეთის საოკუპაციო ძალებისთვის.

ასევე ვრცელდება ინფორმაცია როსტოვის ოლქის სოფელ მატვეევ კურგანში ნავთობის საცავის დაზიანების შესახებ.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო