ლელო-ძლიერი საქართველოს წევრი, ლევან სამუშია გორში, პოლიციელების მხრიდან მოქალაქეზე ძალადობის ფაქტს გამოეხმაურა. 

"დღეს გავრცელდა უმძიმესი კადრები უმძიმესი დანაშაულის შესახებ, რომელსაც პოლიციელები საქართველოს მოქალაქის წინააღმდეგ სჩადიან. დაკავებამდე და სავარაუდოდ, დაკავების შემდეგ, სახეზეა უმძიმესი ფაქტი, დამამცირებელი მოპყრობა, ძალადობა და არაადამიანური მოპყრობა. მინდა, ხაზგასმით აღვნიშნო, ფაქტი ჩადენილია ჯგუფურად. უმძიმესია საყურებლად და აღსაქმელად, როცა ვხედავთ, რომ პოლიციელები დანაშაულს ჯგუფურად სჩადიან და მათ შორის ერთი პოლიციელიც კი არ გამოერია, რომ დანაშაული აღეკვეთა და თავისი კოლეგებისთვის ხელი შეეშალა. ეს გვაფიქრებინებს, რომ მათში გამჯდარია და გარანტია აქვთ დაუსჯელობის სინდრომის, თუ ფაქტები ასე სააშკარაოზე არ გამოვა. 

მინდა, პროკურატურას მივმართო. მხოლოდ გამოძიების დაწყება არ კმარა. სახეზეა პოლიციელების მხრიდან ჩადენილი ჯგუფური დანაშაული. ამის დამალვა არ შეიძლება და ამას შესაბამისი ყურადღება მიექცევა [...] პროკურატურისგან და შესაბამისი ორგანოებისგან უსწრაფესად მოვითხოვთ გამოძიების შედეგებს". - თქვა სამუშიამ კოალიციის ოფისში გამართულ ბრიფინგზე.

ლევან სამუშიამ პოლიციელების მხრიდან ძალადობასთან დაკავშირებით, ქართული ოცნების პოლიტიკური პასუხისმგებლობის შესახებაც ისაუბრა.

"სად არის პოლიტიკური პასუხისმგებლობა, როცა ძალადობა უკვე ღიად, დღისით-მზისით ხდება. სად არის პოლიტიკური გუნდისა და ირაკლი კობახიძის პასუხისმგებლობის საკითხი? - გამოვიდეს და თქვას, ელემენტარულად პოლიტიკურ პასუხისმგებლობას თუ გრძნობს და ეს რაში მდგომარეობს, როცა აქციების დარბევიდან მოყოლებული, ათეულობით სისხლის სამართლის საქმეზე დაწყებულია გამოძიება, მაგრამ შედეგები თითქმის არცერთ საქმეზე არაა". - განაცხადა სამუშიამ.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა