იტალიის პრეზიდენტმა სერჯიო მატარელამ საქართველოს მეექვსე პრეზიდენტს, მიხეილ ყაველაშვილს, დამოუკიდებლობის დღე მიულოცა. ადმინისტრაციამ მილოცვის წერილი გაავრცელა.

მატარელამ აღნიშნა, რომ რთული გეოპოლიტიკური სიტუაციის მიუხედავად, თბილისი და რომი თანამშრომლობის ახალი შესაძლებლობების განვითარებას აგრძელებენ.

„დღეს, როდესაც მეგობარი ქართველი ხალხი თავისი ქვეყნის დამოუკიდებლობას აღნიშნავს, მსურს, იტალიის რესპუბლიკის სახელით გულითადი მილოცვა გამოგიგზავნოთ.

რთული გეოპოლიტიკური სიტუაციის მიუხედავად, რომელიც კვლავ გართულებულია უკრაინაში კონფლიქტის შედეგებით და ჩვენი საზღვრების მახლობლად მდებარე რეგიონებში არსებული მრავალი კრიზისული ზონით, თბილისი და რომი აგრძელებენ თანამშრომლობის ახალი შესაძლებლობების ხელშეწყობას მათი დიდი ხნის და ნაყოფიერი მეგობრობის სულისკვეთებით.

ამის გათვალისწინებით, იტალია აგრძელებს საქართველოს ევროკავშირისკენ მიმავალ გზაზე ყურადღებით დაკვირვებას და იმედოვნებს, რომ ეს გზა ახალ და თავდაჯერებულ იმპულსს მიიღებს, რომელიც დაფუძნებული იქნება კონსტრუქციულ ჩართულობაზე და, უპირველეს ყოვლისა, ევროპული ინტეგრაციის პრინციპებისა და დემოკრატიული ღირებულებებისადმი სრულ ერთგულებაზე.

„სიამოვნებით მახსენდება თქვენი მონაწილეობა მილანსა და კორტინაში XXV ზამთრის ოლიმპიური თამაშების გახსნის ცერემონიაში. ბატონო პრეზიდენტო, კიდევ ერთხელ გისურვებთ კეთილდღეობას და წარმატებულ მომავალს“, - ნათქვამია იტალიის პრეზიდენტის მილოცვის წერილში.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა