რუსეთის პრეზიდენტმა ვლადიმერ პუტინმა ხელი მოაწერა ფედერალურ კანონს, რომლითაც რატიფიცირებულია რუსეთსა და ოკუპირებულ ცხინვალის რეგიონს (ე.წ. სამხრეთ ოსეთი) შორის ე.წ. მოკავშირეთა თანამშრომლობის გაღრმავების შესახებ ხელშეკრულება.

ეს ხელშეკრულება რუსეთსა და საქართველოს ოკუპირებულ ცხინვალის რეგიონს შორის ინტეგრაციისა და თანამშრომლობის მნიშვნელოვან გაღრმავებას აღნიშნავს.

ხელშეკრულების ძირითადი მიზნები და შინაარსი მოიცავს:

უსაფრთხოება: ე.წ. ხელშეკრულების მიზანია რეგიონული მშვიდობისა და სტაბილურობის შენარჩუნება კოორდინირებული საგარეო პოლიტიკის, ასევე თავდაცვისა და უსაფრთხოების საკითხებში ერთობლივი მუშაობის გზით;
ეკონომიკური ინტეგრაცია: მოსკოვი და ცხინვალი ერთიანი ეკონომიკური სივრცის შექმნას გეგმავენ;
ინფრასტრუქტურის ინტეგრაცია: რუსეთის ფედერაციისა და ოკუპირებული რეგიონის ენერგეტიკული, სატრანსპორტო და საკომუნიკაციო სისტემების თანდათანობითი ინტეგრაცია;
სოციალური განვითარება: ერთ-ერთი მიზანია ოკუპირებული რეგიონის მაცხოვრებლების სოციალურ-ეკონომიკური პირობების გაუმჯობესება და მისი ინფრასტრუქტურის განვითარება. ფაქტობრივად, შეთანხმება დე ფაქტო ამყარებს ე.წ. გრძელვადიანი სტრატეგიული პარტნიორობისა და ცხინვალის რეგიონის უმნიშვნელოვანესი სასიცოცხლო სისტემების რუსეთთან თანდათანობითი შერწყმის კურსს.

შეგახსენებთ, რომ რუსეთის პრეზიდენტმა ვლადიმერ პუტინმა სახელმწიფო სათათბიროში წარადგინა კანონპროექტი რუსეთსა და ოკუპირებულ ცხინვალის რეგიონს (ე.წ. სამხრეთ ოსეთი) შორის ე.წ. მოკავშირეთა თანამშრომლობის გაღრმავების შესახებ შეთანხმების რატიფიცირების შესახებ. დოკუმენტი გამოქვეყნდა რუსეთის პარლამენტის ქვედა პალატის ელექტრონულ მონაცემთა ბაზაში.

შეთანხმებას ხელი მოეწერა მოსკოვში 2026 წლის 9 მაისს. ის ითვალისწინებს ე.წ. მხარეებს შორის გაფართოებულ თანამშრომლობას თავდაცვისა და უსაფრთხოების, ეკონომიკის, ინფრასტრუქტურისა და სოციალური პოლიტიკის სფეროებში.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა