რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

2026-05-18 15:24:05, 7420 ნახვა

სხვადასხვა

თეატრი არის საჯარო სამართლის იურიდიული პირი, რომელიც დამოუკიდებლად წარმართავს თავისი საქმიანობას, საქართველოს კანონმდებლობით დადგენილი წესით, - განუცხადეს რადიო თავისუფლებას კულტურის სამინისტროში, 14 მაისს რუსთაველის თეატრის მცირე სცენაზე დადგმულ წარმოდგენასთან დაკავშირებით, რომელსაც საზოგადოების ნაწილი კრიტიკული შეფასებები მოჰყვა.

14 მაისს რუსთაველის თეატრის მცირე სცენზე რუსეთის თეატრალური ხელოვნების ინსტიტუტის (ГИТИС) დამამთავრებელი კურსის სტუდენტებმა წარმოადგინეს მუსიკალური და ქორეოგრაფიული კომპოზიციები, რომლებიც მეორე მსოფლიო ომისდროინდელ სიმღერებზე იყო შექმნილი.

ინფორმაცია წარმოდგენის შესახებ, 16 მაისს სოციალურ ქსელში გაავრცელა საქართველოში შვეიცარიის საელჩოში მოქმედმა რუსეთის ინტერესების სექციამ და დაწერა, რომ "კონცერტმა დიდი წარმატებით ჩაირა"

ლეგენდარულმა მელოდიებმა, როგორიცაა „კატიუშა“, „ბნელი ღამე“ და „ლურჯი ცხვირსახოცი“, მაყურებლის გულებში ცოცხალი გამოხმაურება ჰპოვა. მუსიკალურ ნომრებთან ერთად, მსახიობებმა ღრმა ემოციით წარმოთქვეს იმ დიდი ეპოქის პოეტებისა და მწერლების - კონსტანტინ სიმონოვის, ალექსანდრ ტვარდოვსკის, რობერტ როჟდესტვენსკის და ვლადიმირ ვისოცკის - უკვდავი სტრიქონები. საღამოს სტუმრებმა - დიპლომატიური კორპუსის, საქმიანი და აკადემიური წრეების, საზოგადოებრივი და კულტურული ორგანიზაციების წარმომადგენლებმა და რუსმა თანამემამულეებმა - აპლოდისმენტებით დააჯილდოვეს თითოეული წარმოდგენა.

ჩვენი საერთო ისტორიის, დიდი სამამულო ომის გმირული გვერდების წმინდა პოეტური მოგონებები სამუდამოდ დარჩება რუსეთისა და საქართველოს ხალხების გულებში", - ნათქვამია სექციის მიერ გავრცელებულ ინფორმაციაში.

ფეისბუკვერდმა "საქართველო ტელეკოპპანია "მირ"ის ობიექტივში/ ყველაფერი საქართველოს შესახებ" გაარცელა ამონარიდები წარმოდგენიდან და რამდენიმე ინტერვიუ მსახიობებთან. რუსეთის თეატრალური ხელოვნების ინსტიტუტის (ГИТИС) სტუდენტი დანიილ კორნეევი კომენტარში ამბობს, რომ "ძალიან მშობლიურად" მიიღეს. "თითქოს ეს არ არის სხვა ქვეყანა. სხვა ქალაქი, თითქოს არც არსად წავსულვართ, ვიყავით და ვიქნებით სულ".

წარმოდგენას საზოგადოების ნაწილის კრიტიკული შეფასებები და შეკითხვები მოჰყვა. "სოციალური სამართლიანობის" ცენტრის დირექტორმა თამთა მიქელაძემ ფეისბუკზე გამოქვყენებული პოსტში დაწერა, რომ

"ცხადია, რომ მეორე მსოფლიო ომის მეხსიერება თავისთავად პრობლემური არ არის, ეს ჩვენი ხალხის მძიმე გამოცდილება იყო და მას დანახვა, შესწავლა და ტრავმის და მსხვერპლის აღიარება სჭირდება, მაგრამ პრობლემურია მისი კრემლისეული, კოლონიური პოლიტიკური ინსტრუმენტალიზაცია. და სწორედ ამიტომ ჩნდება სრულიად ლეგიტიმური კითხვა, საერთოდ იფიქრა ვინმემ თეატრში ან სამინისტროში, რას ნიშნავს დღეს კრემლის პროგრამით ორგანიზებული მსგავსი ღონისძიებების მასპინძლობა საქართველოში?"

რუსთაველის თეატრის დირექტორთან დაკავშირება რადიო თავისუფლებამ ვერ შეძლო, მან სატელეფონო ზარებს რა უპასუხა. კულტურის სამინისტროში განაცხადეს რომ "ეს იყო იჯარა - სცენა გაცემული იყო იჯარით".

ტვ "პირველთან" სატელეფონო საუბარში თეატრის დირექტორი გია თევზაძე ამბობს, რომ წარმოდენას სცენა ოჯარის საფუძველზე დაუთმეს.

„ჩვენ იჯარით მივეცით დარბაზი, მაქსიმალური თანხა ავიღეთ, იქ ისეთი არაფერი არ იყო, ეს „გიტისის" სტუდენტები იყვნენ... ჩვენ არავის დაგვიკარგავს ამ ომში? ჩვენ ყველაზე მეტი დავკარგეთ ამ ომში. რასაკვირველია, [მომავალშიც] მივაქირავებთ ფულის გამო", - ეუბნება თეატრის დირექტორი ტვ "პირველს".