აჭარის ავტონომიური რესპუბლიკის დელეგაციის პოლონეთში, კერძოდ, კატოვიცეში ვიზიტი დასრულდა.

აჭარის მთავრობის ადმინისტრაციის პრესსამსახურის ინფორმაციით, დელეგაციას 29 მარტიდან 1 აპრილამდე სილეზიის სავოევოდოს მარშალის ოფისი მასპინძლობდა.

ვიზიტის ფარგლებში ოფიციალურ მხარეებს შორის  თანამშრომლობის 2015-2016 წლის სამუშაო პროგრამა და პროექტების მიმდინარეობა განიხილეს. პროგრამა განსაზღვრავს ორმხრივ აქტივობებს სხვადასხვა სფეროში.

„2016 წლიდან აჭარა-სილეზია რეგიონული თანამშრომლობის ფორმატს კიდევ უფრო აფართოებს, რაზეც უკვე მიღწეული შედეგებიც მეტყველებს: გაფორმდა მემორანდუმი ბათუმის უნივერსიტეტსა და სილეზიის უნივერსიტეტებს შორის, დაიგეგმა ქართული ენის შემსწავლელი კურსების გახსნა პოლონეთში, გაცვლითი სასწავლო კურსებისა და პროგრამების განხორციელება ქართველი და პოლონელი სტუდენტებისა და პროფესორ-მასწავლებლებისათვის. მოლაპარაკებების შედეგად გადაწყდა პოლონელი სტუდენტების სტაჟირება ბათუმის 5 ვარსკვლავიან სასტუმროებში. სილეზიის მხარე დაეხმარება რეგიონს ბათუმის უნივერსიტეტში არსებული ჟურნალისტიკის 1 წლიანი პროფესიული პროგრამის განვითარებაში.

თანამშრომლობის გაღრმავება კულტურის მიმართულებითაც იგეგმება. პოლონური მხარისაგან აჭარის მთავრობამ მიიღო თანხმობა რეგიონში არსებული მუზეუმების პერსონალის გადამზადების საქმეში. დაიგეგმა ვიზიტი სილეზიაში, სადაც აჭარის მუზეუმების თანამშრომლები შეხვდებიან სილეზიის მუზეუმის ხელმძღვანელობას, ჩაუტარდებათ პროფესიული ტრენინგები.

განათლებისა და კულტურის გარდა, ურთიერთთანამშრომლობა გრძელდება ჯანდაცვის კუთხითაც. საინტერესოდ გამოიყურება 2016 წლის სამუშაო პროგრამა ჯანდაცვის სფეროს მიმართულებით: დაგეგმილია სილეზიის სავოევოდოს წამყვან სამედიცინო დაწესებულებებში ქ. ბათუმის რესპუბლიკური საავადმყოფოს ექიმებისა და მედდების კვალიფიკაციის ამაღლება, ონკოლოგიის სფეროში დასაქმებული სამედიცინო პერსონალისათვის სპეციალიზებული ტრენინგის ჩატარება, ქ ბათუმის მეზღვაურთა სამედიცინო ცენტრში პოლონელი რევმატოლოგის ერთთვიან ვიზიტი,  ასევე შშმ პირთა სარეაბილიტაციო ცენტრის  სპეციალისტების გადამზადება.

აღსანიშნავია, რომ სილეზიის რეგიონის ქალაქ კატოვიცეში აჭარა ბოლო წლებია ერთ-ერთ პოპულარულ ტურისტულ მიმართულებადაა მიჩნეული, შესაბამისად, ყოველწლიურად იზრდება პოლონელ ტურისტთა რიცხვი ჩვენს რეგიონში. ქალაქ კატოვიცედან ბათუმის მიმართულებით სეზონურად ჩარტერული ფრენები ხორციელდება. აჭარაში ჩამოსასვლელად კატოვიცელი ტურისტები აქტიურად იყენებენ ქუთაისის მიმართულებით რეგულარულ ფრენებსაც.

აჭარის ავტონომიური რესპუბლიკის ორმხრივი თანამშრომლობა პოლონეთში ქვემო სილეზიის და სილეზიის სავოევოდოებთან  ტურიზმის, ეკონომიკის, ჯანდაცვის, განათლებისა და კულტურის მიმართულებით ბოლო წლებია წარმატებით მიმდინარეობს“, - აცხადებენ აჭარის მთავრობის ადმინისტრაციის პრესსამსახურში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს