"საქართველოს ეკლესიას ეყოლება ახალი კათოლიკოს პატრიარქი" - საპატრიარქოს საზოგადოებასთან ურთიერთობის უფროსმა ანდრია ჯაღმაიძემ დააზუსტა ზოგიერთი დეტალი გაფართოებული სხდომის ჩატარებასთან დაკავშირებით.

• მამა ანდრიას ცნობით, სამების ტაძარში გამართულ კრებაზე დასწრება შესაძლებელია მხოლოდ სპეციალური სიებით, რომელიც შედგენილია მართვა გამგეობის დებულების მიხედვით;
• მისივე თქმით, შესვლა შესაძლებელი იქნება 10:00 საათიდან, 12:00 საათზე მოხდება სტუმრების, დელეგატების მიღება და ამ დროისთვის უკვე მღვდელმთავრებიც მიბრძანდებიან ტაძარში;
• რაც შეეხება სხდომის გაშუქებას - მამა ანდრიას განცხადებით, მკაცრად შეიზღუდება მობილურით სარგებლობა, ნაწილობრივ იქნება გაშუქებული პირველი არხის საშუალებით ღონისძიება, ხოლო თუ საჭირო იქნება კადრებს თვითონ საპატრიარქო გაავრცელებს. კრების გახსნა, კენჭისყრის პროცესი იქნება პირდაპირ ეთერში, ხოლო ხმის დათვლა იქნება ფარული, რის შემდეგაც საბოლოო შედეგსაც საზოგადოება იხილავს პირდაპირ ეთერში;
• მამა ანდრიამ ხაზი გაუსვა იმასაც, რომ მანქანებით მისვლა ტაძრამდე შეიზღუდება და შესაძლებელი იქნება ფეხით ახვლედიანის ქუჩიდან და ავლაბრიდან.
• მისივე თქმით, ბიულეტენზე სამი კანდიდატი იქნება დაბეჭდილი, რომელსაც ამომრჩეველი შემოხაზავს, შემდეგ ეს ბიულეტენი მოთავსდება კონვერტში და საარჩევნო ყუთში;
• კრებაზე თავს მოიყრის 1 200-მდე დელეგატი; 
• მამა ანდრიას განმარტებით, ასევე განსაზღვრულია სხდომაზე სიტყვით გამომსვლელთა რეგლამენტი.  სიტყვით გამოვლენ საპატრიარქო ტახტის კანდიდატები, მათი ეპარქიიდან თითო ადამიანი, ასევე ისტორიული მიმოხილვის კონტექსტში, ერთ-ერთი მეცნიერი გააკეთებს პატრიარქის ტიტულთან დაკავშირებით ისტორიულ მიმოხილვას;
• მამა ანდრიას თქმით, კრების შედეგს გამოაცხადებს მანგლისისა და თეთრი წყაროს მიტროპოლიტი ანანია.

გაფართოებული კრება, სადაც ახალი პატრიარქის ვინაობას გავიგებთ 11 მაისს, 13:00 საათზე ჩატარდება.

ავტორი: ექსპრესნიუსი,

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა