ორგანიზაცია ერთად ვებრძოლოთ დიუშენის კუნთოვან დისტროფიას თავმჯდომარე, ზაქარია გვიშიანი დიუშენის სინდრომის სამკურნალო წამალთან დაკავშირებით ივანიშვილის წარმომადგენლის, შალვა პაპუაშვილის განცხადებას გამოეხმაურა. ის ამბობს, რომ პაპუაშვილის განცხადება აბსურდულია და ამ მედიკამენტებს უსაფრთხოებისა და ეფექტურობის მხარე გავლილი აქვს. 

"რეგისტრაცია ნიშნავს, რომ უსაფრთხოებისა და ეფექტურობის მხარე გავლილი და დადასტურებულია [...] რეგისტრირებულ მედიკამენტზე ახლა იმის საუბარი, ეს ბავშვებს ხომ არ დააზიანებს და მშობლებმა ამაზე უნდა იფიქრონ, აბსურდულია [...] 

არცერთი არგუმენტი არ გამოდგება იმის საწინააღმდეგოდ, რომ ახლა ეს მედიკამენტი არ შემოიტანონ. პლუს ამას, ცოცხალი მაგალითები გვყავს, ჩვენი მოქალაქეები, რომლებმაც ეს მედიკამენტები ევროპაში მიიღეს და თავს ძალიან კარგად გრძნობენ. სად არის აქ უკუჩვენებები? წლების წინ მიიღეს. თქვენ წარმოიდგინეთ, აშშ-მ და ევროპამ აღიარა მედიკამენტები და ახლა თურმე ჩვენი ჯანდაცვის მინისტრი სწავლობს და ამ ნარატივს ახვევს თავზე პარლამენტის თავმჯდომარეს და სხვებს, რომ თითქოს, ის მეტად უფრთხილდება და მეტი სტანდარტით არკვევს, ვიდრე აშშ და ევროპა, ახლა, წლების შემდეგ [...] ეს აბსურდულია. ეს ზუსტად ის მესიჯბოქსია, რომელიც საზოგადოების რაღაც ნაწილს, რომელსაც ისევ სჯერა, რომ ეს წამალი არ უნდა შემოიტანონ, ისევ ეს დააჯერონ. მაგრამ, ეს არ გამოვა". - თქვა გვიშიანმა TV პირველთან საუბარში.

თბილისის მერი კახა კალაძე აცხადებს, რომ დიუშენის სამკურნალო პრეპარატის, რომლის საქართველოში შემოტანასაც აღნიშნული სინდრომის მქონე ბავშვების მშობლები ითხოვენ, ეფექტიანობასა და უსაფრთხოებაზე, თავად მწარმოებელი კომპანია ვერ იღებს პასუხისმგებლობას.

ავტორი: ექსპრესნიუსი,

სოციალური ქსელები

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო

კობახიძე - გაზის ტარიფთან დაკავშირებით გადაწყვეტილებას იღებს სემეკი