ახალგორის რაიონში განახლდა გადაადგილებისთვის აუცილებელი საშვების გაცემა. ახალი გადაწყვეტილების ფარგლებში, დოკუმენტებს გასცემენ მათ შორის საბიუჯეტო ორგანიზაციების თანამშრომლებზეც, რომელთაც აქამდე სამსახურის მოტივით უარს ეუბნებოდნენ. - ამის შესახებ დემოკრატიის კვლევის ინსტიტუტი იუწყება.

მათი ინფორმაციით, როგორც ადგილობრივები აღნიშნავენ, პროცესი თავდაპირველად გაუხმაურებლად დაიწყო და საშვები ძირითადად იმ პირებზე გაიცემოდა, რომლებიც ე.წ. ხელისუფლების მხარდამჭერები ან მათ მიმართ ლოიალურად განწყობილნი იყვნენ. მიუხედავად პროცესის დახურულობისა, ახალგორელებში ინფორმაცია მალე გავრცელდა, რადგან ადგილობრივებმა კონკრეტული პირების  თბილისის მიმართულებით გადაადგილება შენიშნეს.

მოსახლეობის უკმაყოფილებას იწვევს გადაადგილების საშვების გაცემაზე შერჩევითი მიდგომები. ამის შესახებ მათ არაერთხლ გამოთქვეს პროტესტი. ახალგორელები ე.წ. მთავრობისგან მოითხოვეს საშვების გაცემის პროცესის გამჭვირვალეობას და ყველასთვის ხელმისაწვდომობის უზრუნველყოფას.

ადგილობრივთა ინფორმაციით, აღნიშნული მოთხოვნის შემდეგ პროცესში ცვლილებები შევიდა და დაიწყო საშვების უფრო ფართო წრისთვის გაცემა. მიუხედავად იმისა, რომ პროცესი ამ ეტაპზე მასობრივ ხასიათს არ ატარებს, მოსახლეობა აღნიშნავს, რომ დადებითი დინამიკა შესამჩნევია.

ავტორი: ექსპრესნიუსი,

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა