აშშ-ის პრეზიდენტმა დონალდ ტრამპმა განაცხადა, რომ არ აწუხებს უნგრეთის პრემიერ-მინისტრის, ვიქტორ ორბანის, 12 აპრილის არჩევნებში დამარცხება, რომლისთვისაც ღიად იბრძოდა.

ტრამპმა ეს განცხადება ABC News-ის ჟურნალისტ ჯონათან კარლთან ინტერვიუში გააკეთა.

აშშ-ის პრეზიდენტმა განაცხადა, რომ მას მოსწონს უნგრეთის მომავალი პრემიერ-მინისტრი, პეტერ მადიარი, ტიშის პარტიის ლიდერი.

„ვფიქრობ, ახალი პრემიერ-მინისტრი კარგ საქმეს გააკეთებს - ის კარგი ადამიანია“.

მან აღნიშნა, რომ მადიარი ადრე ორბანის პარტიის, ფიდესის წევრი იყო და მსგავსი შეხედულებები აქვს იმიგრაციასთან დაკავშირებით.

„ვფიქრობ, ის კარგი პრემიერ-მინისტრი იქნება“, - დასძინა აშშ-ის პრეზიდენტმა.

ტრამპმა თქვა, რომ არ იცის, შეიცვლებოდა თუ არა რამე, თუ ის უნგრეთში წავიდოდა ორბანის მხარდასაჭერად საარჩევნო კამპანიის წარმოებისთვის, მისი ვიცე-პრეზიდენტის, ჯ.დ. ვენსის ნაცვლად, რომელიც არჩევნებამდე რამდენიმე დღით ადრე ბუდაპეშტს ეწვია.

„ის (ორბანი - რედ.) მნიშვნელოვნად ჩამორჩა. მე ამ საკითხში დიდად არ ვიყავი ჩართული. თუმცა ვიქტორი კარგი ადამიანია“, - თქვა ამერიკის პრეზიდენტმა.

ეს ფაქტობრივად ტრამპის პირველი რეაქცია იყო ორბანის საპარლამენტო არჩევნებში დამარცხებაზე.

უნგრეთის არჩევნებამდე ორი დღით ადრე, აშშ-ის პრეზიდენტმა დონალდ ტრამპმა პირდაპირ მოუწოდა უნგრელებს, ხმა მიეცათ ორბანისთვის, რადგან ის „ნამდვილი მეგობარია“.

აშშ-ის ვიცე-პრეზიდენტმა ჯ.დ. ვენსმა განაცხადა, რომ აშშ-ის ადმინისტრაციამ მხარი დაუჭირა უნგრეთის პრემიერ-მინისტრ ვიქტორ ორბანს საპარლამენტო არჩევნებში, რადგან ის ევროპაში ერთ-ერთი იმ მცირერიცხოვან ლიდერთაგანია, რომლებიც მზად არიან წინ აღუდგნენ „ბრიუსელის ბიუროკრატიას“.

როგორც ცნობილია, კვირას უნგრეთში საარჩევნო უბნების დახურვიდან რამდენიმე საათში, პრემიერ-მინისტრმა ვიქტორ ორბანმა, 16-წლიანი ხელისუფლებაში ყოფნის შემდეგ, აღიარა დამარცხება და მიულოცა კონკურენტებს გამარჯვება.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა