აშშ-ის ელჩმა ნატოში ოთხშაბათს განაცხადა, რომ პრეზიდენტი დონალდ ტრამპი არა მხოლოდ ქვეყნის ალიანსში წევრობას, არამედ უკრაინაში ევროპული ძალისხმევის მხარდაჭერასაც გადააფასებს.

უიტაკერმა ეს Newsmax-თან ინტერვიუში განაცხადა.

აშშ-ის წარმომადგენელი პასუხობდა კითხვას, არის თუ არა უკრაინა ის ფაქტორი, რომელსაც ტრამპი ჩრდილოატლანტიკურ ალიანსთან ურთიერთობების შეფასებისას განიხილავს.

„ვფიქრობ, ახლა ძალიან ნათელია, რომ პრეზიდენტი ტრამპი ყველაფერს გადახედავს და გადააფასებს. იქნება ეს ჩვენი მონაწილეობა ნატოში, იქნება ეს ჩვენი მხარდაჭერა ევროპული ძალისხმევის მიმართ უკრაინაში, თუ სხვა რამ, რასაც შეერთებული შტატები აკეთებს“, - უპასუხა უიტაკერმა.

მან თქვა, რომ ტრამპი ამერიკელმა ხალხმა აირჩია „ყველა ამ სიტუაციაში „ამერიკა პირველ რიგში“ პრინციპის დასაცავად“.

„როგორც მთავარსარდალს, მას აქვს უფლებამოსილება, მიიღოს ამ გადაწყვეტილებების უმეტესობა. ამიტომ, როდესაც ის გადაწყვეტილებას მიიღებს, ჩვენ მისი განზრახვების შესაბამისად ვიმოქმედებთ“. „ამ ეტაპზე ყველაფერი მაგიდაზე რჩება“, - დასძინა აშშ-ის ელჩმა ნატოში.

წინა დღეს ტრამპმა ბრიტანულ გაზეთ „The Telegraph“-თან ინტერვიუში განაცხადა, რომ სერიოზულად განიხილავს აშშ-ის ნატოდან გასვლას ირანში აშშ-ის ომის მიმართ მისი პოზიციის გამო.

აშშ-ის სახელმწიფო მდივანმა მარკო რუბიომ განაცხადა, რომ ირანში კონფლიქტის დასრულების შემდეგ, შეერთებული შტატები გადახედავს ნატოში გაწევრიანების აუცილებლობას.

თუმცა, მედიის ცნობით, აშშ-ის კონგრესმა და პენტაგონმა განაცხადეს, რომ აშშ-ის ნატოდან გასვლასთან დაკავშირებით არანაირი განხილვა არ მიმდინარეობს და თავად ალიანსი თეთრი სახლის მუქარას ბლოკთან კავშირების გაწყვეტის შესახებ ბლეფად მიიჩნევს.

„Financial Times“-მა გაავრცელა ინფორმაცია, რომ ტრამპმა, სავარაუდოდ, ევროპელ მოკავშირეებს დაემუქრა, რომ შეწყვეტდა უკრაინისთვის იარაღის მიწოდებას PURL პროგრამის ფარგლებში, თუ ისინი არ შეუერთდებოდნენ ჰორმუზის სრუტის განბლოკვის ოპერაციას.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო